මැදපෙරදිග පවතින යුද ගැටුම් හේතුවෙන් ලෝක ආහාර සුරක්ෂිතතාව, බලශක්ති සැපයුම සහ ආර්ථික ස්ථාවරත්වය කෙරෙහි දැඩි බලපෑම් එල්ල වී ඇති බව ජාත්යන්තර බලශක්ති ඒජන්සිය (IEA), ජාත්යන්තර මූල්ය අරමුදල (IMF), ලෝක බැංකු සමූහය සහ ලෝක වෙළඳ සංවිධානය (WTO) යන ආයතන එක්ව නිකුත් කළ ඒකාබද්ධ ප්රකාශයකින් අනතුරු අඟවයි.
මෙම අර්බුදය හේතුවෙන් ඇතිව තිබෙන ප්රධාන අභියෝග කිහිපයක් පිළිබඳව ඔවුන් අවධාරණය කරයි:
ආහාර හා බලශක්ති මිල ඉහළ යාම: ඉන්ධන සහ පොහොර මිල අඛණ්ඩව ඉහළ යාම නිසා වඩාත් අවදානමට ලක්විය හැකි රටවල් ආර්ථික වශයෙන් දැඩි පීඩාවකට පත්ව තිබේ.
තෙල් ප්රවාහන බාධා: හෝමුස් සමුද්ර සන්ධිය හරහා සිදුවන තෙල් ප්රවාහනය ඇනහිටීම හේතුවෙන් ගෝලීය තෙල් සංචිත සීග්රයෙන් අඩුවෙමින් පවතී.
ආර්ථික අවදානම: උතුරු අර්ධගෝලයේ ගිම්හාන කාලයේදී ඉන්ධන ඉල්ලුම ඉහළ යන බැවින්, මෙම තත්ත්වය ඉක්මනින් සමනය නොවුවහොත් ගෝලීය ආර්ථිකයට බරපතල අවදානමක් ඇති විය හැකි බව එම ආයතන පෙන්වා දෙයි.
ගෝලීය වශයෙන් පවතින මෙම අසමාන බලපෑම් මගහරවා ගැනීම සඳහා සහ ජාත්යන්තර ස්ථාවරත්වය තහවුරු කිරීම සඳහා කඩිනම් පියවරවල අවශ්යතාවය මෙම ප්රකාශය මගින් අවධාරණය කර ඇත.
