වෙසක් පෝය නිමිත්තෙන් ශ්රී පාද උඩ මළුවේදී අලුයම සිට පින්කම් රැසක් . ශ්රී පාද උඩ මළුවේ බුද්ධ පූජාව පැවැත්වීමෙන් අනතුරුව, දිවයිනේ විවිධ ප්රදේශවලින් පැමිණ සිටි විශාල වන්දනාකරුවන් පිරිසක් දොරපනේ සුමනජෝති හිමියන් ඇතුළු මහා සංඝරත්නය විසින් සිල් සමාදන් කරවනු ලැබීය.
2026 ශ්රී පාද වන්දනා වාරය මැයි 30 වන දින මධ්යම රාත්රියෙන් අවසන් කරන බව ශ්රී පාදස්ථානාධිපති නාහිමියන් ප්රකාශ කළේය. ඒ අනුව, මැයි 31 දින උදෑසන බුද්ධ පූජාවෙන් අනතුරුව, ශ්රී පාද උඩ මළුවේ තැන්පත් කර ඇති සධාතුක කරඩුව සහ සමන් දේව ප්රතිමා, පෙරහැර මගින් රත්නපුර පලාබද්දර මාර්ගය සහ කුරුවිට එරත්න මාර්ගය ඔස්සේ පැල්මඩුල්ල ශ්රී පාද රජමහා විහාරස්ථානය වෙත වැඩම කරවීමට නියමිතය.එමෙන්ම, මැයි 31 දින දහවල් බුද්ධ පූජාවෙන් පසු, තවත් පෙරහැරක් නල්ලතන්නිය දක්වා වැඩම කර, ඉන්පසු නල්ලතන්නිය, බගවන්තලාව, බලංගොඩ මාර්ගය සහ ලක්ෂපාන, අවිස්සාවේල්ල, රත්නපුර හරහා පැල්මඩුල්ල රජමහා විහාරස්ථානය දක්වා පෙරහැරවල් දෙකක් ගමන් කරනු ඇත. මාර්ග 4ක් ඔස්සේ වැඩම කරන ලද සධාතුක කරඩුව, සමන් දේව ප්රතිමාව සහ ආභරණ, ජූනි 01 දින දහවල් දක්වා පැල්මඩුල්ල ශ්රී පාද රජමහා විහාරස්ථානයේ තැන්පත් කර ආගමික සහ දේව පූජාවන් පැවැත්වීමට නියමිතය. අනතුරුව, එම උතුම් වස්තූන් ජූනි 01 දින පස්වරුවේ ගල්පොත්තාවල ශ්රී පාද රජමහා විහාරස්ථානය වෙත පෙරහැරින් වැඩම කරවා ශ්රී පාද අවාරය අවසන් වන තෙක් එහි තැන්පත් කර තැබෙනු ඇත.
