වෙසක් සිරි නැරඹීම සඳහා පැමිණි ජනතාවට දැඩි පීඩාවක් සහ හිරිහැරයක් වන පරිදි, අධික ශබ්දයක් නගමින් කඩවත නගරයේ සැරිසැරූ යතුරුපැදි 15ක් පොලිස් භාරයට ගැනීමට කඩවත පොලිසිය සමත් විය. ඊයේ (30) රාත්රී කාලයේදී මෙම විශේෂ වැටලීම සිදුකර ඇත්තේ කඩවත පොලිසියේ රථවාහන අංශයේ නිලධාරීන් කණ්ඩායමක් විසිනි.
පොලිසිය සඳහන් කළ පරිදි, නගරයේ සාමයට බාධාවක් වෙමින් ශබ්ද දූෂණය ඇති කරමින් ධාවනය වූ මෙම යතුරුපැදි අතර ලියාපදිංචි නොකළ යතුරුපැදියක් ද විය. මෙම වැටලීම සිදුකර ඇත්තේ කඩවත පොලිසියේ වැඩබලන පොලිස් ස්ථානාධිපති ප්රධාන පොලිස් පරීක්ෂක ඒ. ඩී. සී. ප්රසාද් මහතාගේ උපදෙස් මත වේ.
අත්අඩංගුවට ගත් සියලුම යතුරුපැදි මෝටර් රථ පරීක්ෂකවරයා වෙත ඉදිරිපත් කර ඒ පිළිබඳ තාක්ෂණික වාර්තාවක් ලබා ගැනීමට කටයුතු යොදා ඇත. රථවාහන අධ්යක්ෂ, නියෝජ්ය පොලිස්පති සේනාධීර මහතාගේ විශේෂ උපදෙස් මත මෙම පියවර ගෙන ඇති අතර, අධික ශබ්දයක් නිකුත් වන පරිදි සයිලන්සර් වෙනස් කර ධාවනය කිරීම සහ මහජනතාවට බාධා කිරීම යන චෝදනා යටතේ අදාළ හිමිකරුවන්ට එරෙහිව මහර මහේස්ත්රාත් අධිකරණය හමුවේ නඩු පැවරීමට කටයුතු කරන බව වැඩබලන පොලිස් ස්ථානාධිපතිවරයා වැඩිදුරටත් සඳහන් කළා.
