ශ්රී ලංකා ජාතික රෝහලේ පිහිටි ස්නායු රෝග විද්යා ආයතනය රුපියල් මිලියන 99ක පිරිවැයක් දරා සම්පූර්ණයෙන්ම ප්රතිසංස්කරණය කිරීමෙන් අනතුරුව අද (01) පෙරවරු 10.00ට සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ සහ සෞඛ්ය නියෝජ්ය අමාත්ය වෛද්ය හංසක විජේමුණි මහතාගේ ප්රධානත්වයෙන් ජනතා අයිතියට පත් කෙරේ. මෙම ව්යාපෘතිය මගින් මෙරට ස්නායු රෝගී ප්රතිකාර සේවාවන් වඩාත් කාර්යක්ෂම සහ පුළුල් කිරීමට අපේක්ෂිතය.
මෙම විවෘත කිරීමේ උත්සවයට සමගාමීව ස්නායු රෝග විද්යා ආයතනයේ නිර්මාතෘ දේශමාන්ය වෛද්ය ඡේ.බී. පීරිස් මහතාගේ ඡායාරූපය නිරාවරණය කිරීම සහ ස්නායු රෝග ඒකකයේ 62 සහ 63 වාට්ටු සංකීර්ණය නිල වශයෙන් විවෘත කිරීමට ද නියමිතය. රුපියල් මිලියන 52ක වියදමින් ප්රතිසංස්කරණය කළ මෙම වාට්ටු සංකීර්ණය කාන්තා හා පිරිමි වාට්ටු දෙකකින් සමන්විත වන අතර, ඒ සෑම වාට්ටුවකම රෝගී ඇඳන් 22 බැගින් ස්ථාපිත කර ඇත.
ප්රතිසංස්කරණ කටයුතු යටතේ බිම් මහලේ භෞත චිකිත්සක ඒකකය සඳහා රුපියල් මිලියන 22ක් ද, තෙවැනි මහලේ භාෂා හා වෘත්තීය චිකිත්සක ඒකක සහ ශ්රවණාගාරය නවීකරණය සඳහා රුපියල් මිලියන 25ක් ද වැය කර තිබේ. මෙම නවීකරණයත් සමඟ වසර සියයකට වඩා පැරණි ගොඩනැගිල්ලක පවත්වාගෙන ගිය ස්නායු ඒකක 3 සහ 4, වඩාත් පහසුකම් සහිත සහ තදබදයකින් තොර නව පරිශ්රය වෙත ගෙන ඒමට හැකියාව ලැබෙනු ඇත.
මෙම අවස්ථාව සඳහා සෞඛ්ය හා ජනමාධ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ සහ අතිරේක ලේකම් වෛද්ය කුමාර් වික්රමසිංහ යන මහත්වරුන් ඇතුළු සෞඛ්ය ක්ෂේත්රයේ සම්භාවනීය අමුත්තන් රැසක් එක්වීමට නියමිතය.
