හැටන් පොලිස් කොට්ඨාශයේ 2025 වසරේ සිට 2026 මැයි 28 දින දක්වා කාර්යක්ෂමව රාජකාරි කළ පොලිස් නිලධාරීන් වෙනුවෙන් තෑගි මුදල් ප්රදානය කිරීමේ උත්සවයක් ජුනි 01 දින හැටන් ප්රින්සස් ශාලාවේදී පැවැත්විණි. මධ්යම පළාත් ජ්යෙෂ්ඨ නියෝජ්ය පොලිස්පති ලලිත් පතිනායක මහතාගේ ප්රධානත්වයෙන් මෙම උත්සවය සංවිධානය කර තිබුණේ හැටන් ජ්යෙෂ්ඨ පොලිස් අධිකාරි ප්රදිප් විරසේකර මහතා විසිනි.
හැටන් පොලිස් කොට්ඨාශයේ පොලිස් ස්ථාන 9ක විශිෂ්ඨ කැපවීමකින් යුතුව රාජකාරි කළ නිලධාරීන් 400කට ආසන්න පිරිසකින් තෝරාගත් 48 දෙනෙකු වෙත රුපියල් එක්කෝටි හතළිස් ලක්ෂ හත්දහස් දෙසිය අනූ තුනක (10,40,7293) මුදලක් පොලිස් තෑගි අරමුදලින් පිරිනමනු ලැබීය. මත්පැන් පානය කර රිය පැදවූ සැකකරුවන් අත්අඩංගුවට ගෙන අධිකරණයට ඉදිරිපත් කිරීමෙන් අය කරගත් දඩ මුදල් ද මෙම තෑගි මුදලට ඇතුළත් වේ. උත්සවය විචිත්රවත් කිරීම සඳහා පොලිස් නිලධාරීන් විසින් විවිධ ගීත ගායනා සහ නර්තනයන් ඉදිරිපත් කරන ලදී. හැටන්-වටවල මාර්ගයේ සිදුවූ නායයෑම් අවස්ථාවේදී කිසිදු මුදලක් අය නොකර මාර්ගය යථා තත්ත්වයට පත් කිරීමට දායක වූ එච්.එල්. දිනුක මහතා සහ බැකෝ යන්ත්ර ක්රියාකරුවන්ට මෙහිදී සමරු තිළිණ පිරිනමමින් ස්තූතිය පුද කෙරිණි. මෙම අවස්ථාවට නුවරඑළිය දිසාව භාර නියෝජ්ය පොලිස්පති ජගත් චන්ද්රකුමාර මහතා ඇතුළු පිරිසක් සහභාගි වූහ.
