වෙසක් පුන් පොහෝ දින බලපත්ර නොමැතිව, හිංසාකාරී ලෙස ත්රිරෝද රථයකින් ගවයකු ප්රවාහනය කරමින් සිටි සැකකරුවන් තිදෙනෙකු හැටන් පොලිස් දූෂණ මර්දන අංශයේ නිලධාරීන් විසින් අත්අඩංගුවට ගෙන ඇත. මෙම සිද්ධියට අදාළ තොරතුරු පහත දැක්වේ:
හැටන් පොලිස් දූෂණ මර්දන අංශයේ නිලධාරීන් විසින් හැටන් පරණ කොළඹ පාරේ, රොතැස් ප්රදේශයේ සිදුකළ වැටලීමකදී සැකකරුවන් අත්අඩංගුවට ගෙන තිබේ. සැකකරුවන් අත්අඩංගුවට ගන්නා අවස්ථාවේදී ත්රිරෝද රථයේ පිටුපස අසුනේ සිටි දෙදෙනා ගවයා බිම දමා පාගාගෙන පැමිණ ඇති බව පොලිසිය පවසයි. අත්අඩංගුවට ගත් සැකකරුවන් තිදෙනා නාවලපිටිය, කැටබුලාව ප්රදේශයේ පදිංචිකරුවන් වන අතර, ගවයා ප්රවාහනය සඳහා භාවිතා කළ ත්රිරෝද රථය පොලිස් භාරයට ගෙන ඇත. සැකකරුවන් හැටන් මහේස්ත්රාත් අධිකරණය වෙත ඉදිරිපත් කිරීමට නියමිත අතර, හැටන් පොලිස් දූෂණ මර්දන අංශය සිද්ධිය සම්බන්ධයෙන් වැඩිදුර පරීක්ෂණ පවත්වාගෙන යයි.
