ශ්රී ලංකාව තුළ දිනෙන් දින ඉහළ යන මූල්ය වංචාවලින් මහජනතාව ආරක්ෂා කිරීම සඳහා ශ්රී ලංකා මහ බැංකුව (CBSL) විසින් “Be Scam Proof” ජාතික දැනුවත් කිරීමේ ව්යාපාරය ඊයේ (02) නිල වශයෙන් ආරම්භ කළේය. මහ බැංකු අධිපති ආචාර්ය පී. නන්දලාල් වීරසිංහ මහතාගේ ප්රධානත්වයෙන් මෙම වැඩපිළිවෙළ දියත් කෙරුණි.
ඩිජිටල් බැංකුකරණයේ ව්යාප්තියත් සමඟ මූල්ය වංචා ලෝක ව්යාප්ත අර්බුදයක් වී ඇති බව පෙන්වා දුන් අධිපතිවරයා, මේ හේතුවෙන් පවුල්වල ධනය විනාශ වනවා මෙන්ම සමස්ත මූල්ය පද්ධතියේ විශ්වාසය ද බිඳ වැටෙන බව අවධාරණය කළේය. නාගරික වැසියන් OTP මුරපද ලබාදීම වැනි ඩිජිටල් වංචාවලටත්, ග්රාමීය වැසියන් ව්යාජ වතු වැවිලි වැනි නීතිවිරෝධී ආයෝජනවලටත් බහුලව ගොදුරු වන බව ඔහු මෙහිදී හෙළි කළේය.
පිරමීඩ ජාවාරම් සහ ව්යාජ ආයෝජන මැඬලීමට මාධ්ය, විදුලි සංදේශ සමාගම් සහ සමාජ මාධ්ය ක්රියාකාරීන් (Influencers) වගකීමෙන් යුතුව මහ බැංකුව සමඟ අත්වැල් බැඳගත යුතු බව ද ප්රකාශ විය. බහුමාධ්ය ප්රචාරණ පද්ධතියක් ඔස්සේ ක්රියාත්මක වන මෙම ව්යාපාරය හරහා, ඕනෑම මූල්ය පොරොන්දුවක සත්යතාව තහවුරු කරගන්නා ලෙස මහ බැංකුව ජනතාවගෙන් ඉල්ලා සිටියි.
