2026 වර්ෂය සඳහා වන අයවැයෙන් ජාතික පාසල් සහ විද්යාපීඨ සංවර්ධනය කිරීම සඳහා රුපියල් බිලියන 13.5ක මුදලක් වෙන් කර ඇති බව අධ්යාපන, උසස් අධ්යාපන සහ වෘත්තීය අධ්යාපන අමාත්ය අග්රාමාත්ය ආචාර්ය හරිනි අමරසූරිය මහත්මිය පවසයි. මෙය එම ක්ෂේත්ර සඳහා ඉතිහාසයේ වෙන් කළ වැඩිම මුදල වන අතර, පාසල් අලුත්වැඩියා කටයුතු සඳහා තවත් රුපියල් බිලියන 5ක් වෙන් කර තිබේ.
බස්නාහිර පළාත් ජාතික පාසල් විදුහල්පතිවරුන් දැනුවත් කිරීම සහ ධාරිතා සංවර්ධන වැඩසටහනක් ඉසුරුපාය අධ්යාපන අමාත්යාංශ පරිශ්රයේදී පැවැත්විණි. නව අධ්යාපන ප්රතිසංස්කරණවලට අනුව පාසල් පරිසරය හැඩගැස්වීම සහ මූල්ය විනිවිදභාවයකින් යුතුව ව්යාපෘති පවත්වාගෙන යාම පිළිබඳව විදුහල්පතිවරුන්ට උපදෙස් ලබා දෙන ලදී. ගුරු බඳවාගැනීම් සම්බන්ධ නඩු තීන්දුව අනුව ගුරුවරුන් 23,000ක් බඳවා ගැනීමට අනුමැතිය හිමිව ඇති අතර, 2027 වසර වන විට ගුරු පුරප්පාඩු සැලකිය යුතු ලෙස අඩු කර ගැනීමට රජය අපේක්ෂා කරයි. පවතින යටිතල පහසුකම් සංවර්ධන ව්යාපෘති කඩිනමින් නිමා කර, 2027 වසරේ සිට නව පාසල් සංවර්ධන ව්යාපෘති ආරම්භ කිරීමට රජය සැලසුම් කර ඇත.
