මැදපෙරදිග ඇවිළෙන යුද ගිනි මැද ලෝකයේ තෙල් සහ ගෑස් මිල සීඝ්රයෙන් ඉහළ යද්දී, ආනයනික ඉන්ධන මතම යැපෙන අපේ රටේ සමස්ත ආර්ථිකයම මේ වන විට දැඩි අවදානමකට ලක්ව තිබේ. නියඟ කාලයට දරන්නට බැරි පිරිවැයක් ගෙවමින් හදිසි තාප විදුලිය මිලදී ගැනීම නිසා ජාතික ධනය අළු වී යන අතර, වේගයෙන් ඉහළ යන විදුලි ඉල්ලුම හමුවේ ඉදිරියේදී රටම අඳුරේ ගිලීමේ බියකරු තර්ජනයක් මතුව ඇත. ව්යාජ මත සහ ප්රගති විරෝධී බිය සැක පතුරවමින් ඇතැම් පිරිස් රට ආපස්සට ඇදීමට උත්සාහ කළද, මේ විනාශකාරී බලශක්ති අර්බුදයෙන් සදහටම ගැලවීම සඳහා ඉතිහාසයේ කිසිදා නොවූ විරූ දැවැන්තම ප්රායෝගික විසඳුම දැන් භූමියේ සක්රීයව ක්රියාත්මක වෙමින් පවතී.
ශ්රී ලංකාවේ සමස්ත බිම සවි කළ සූර්ය බලශක්ති ධාරිතාවයම මෙගාවොට් 140ක් වන පසුබිමක, ඒ සියල්ල එකවර අභිබවා යමින් හම්බන්තොට ගොන්නෝරුව නිසරු භූමියේ මෙගාවොට් 150ක මෙරට විශාලතම සූර්ය බලශක්ති ව්යාපෘතිය ඉදිවෙමින් පවතින්නේ රටටම අලුත් බලාපොරොත්තුවක් දෙමිනි. Southern Nexus, DHCE සහ GTC සමාගම් සමඟ එක්ව චරණ කුමාරණතුංග, දුලංගා කුමාරණතුංග ඇතුළු දේශීය හා විදේශීය ආයෝජන නායකත්වයෙන් ක්රියාත්මක වන මෙම ජාතික මෙහෙයුම, දිනකට මෙගාවොට් පැය 750ක විදුලියක් නිපදවමින් දහවල් විදුලි ඉල්ලුමෙන් 25%ක්ම සපුරාලීමට සමත්ය. පරිසර, වනජීවී (MER කලාපයෙන් පිටත) සහ රාජ්ය ආයතන රැසක දැඩි පරීක්ෂණ අදියර 3කට යටත්ව 100%ක් නීත්යානුකූලව ගොඩනැගෙන මෙම ව්යාපෘතිය, 2028 මුල් කාර්තුව වෙද්දී සමස්ත ජාතික පද්ධතියම ආලෝකමත් කිරීමට සියල්ල සූදානම් කර ඇත.
කොවිඩ් වසංගතය, දරුණු ආර්ථික අර්බුදය සහ විවිධ කඩාකප්පල්කාරී බාධා කිරීම් මැද වුවද අභියාචනාධිකරණය විසින් පවා “ජාතික වැදගත්කමකින් යුතු ව්යාපෘතියක්” ලෙස සහතික කළ මෙමඟින් වාර්ෂිකව කාබන් විමෝචනය ටොන් 225,000කින් අඩු කෙරේ. COP 26 සමුළුවේ දේශගුණික ඉලක්ක සපුරාලමින්, මිල අධික විදේශීය ඉන්ධන මත යැපීම නතර කර අපේ රටේ බලශක්ති ස්වාධීනත්වය තහවුරු කරන මෙම හම්බන්තොට මහා සූර්ය බලශක්ති ව්යාපෘතිය හෙට දවසේ උපදින පරම්පරාව වෙනුවෙන් රැකගත යුතු සැබෑ ජාතික සම්පතකි. අසත්ය තොරතුරුවලට රැවටී රට අඳුරේ තබනවාද, නැතහොත් සැබෑ සංවර්ධනය වැළඳගෙන රට ආලෝකමත් කරනවාද යන්න තීරණය කිරීම දැන් සමස්ත ලාංකික අප සතු පරම වගකීමකි.
