අයර්ලන්තයේ සිට පකිස්ථානය බලා පියාසර කළ පිටුවහල් කිරීමේ ගුවන් යානයකදී, එහි ගමන් කළ මුස්ලිම් ජාතික පිරිමින් 24 දෙනෙකුට වැරදීමකින් ඌරු මස් අඩංගු ආහාර ලබාදීමේ සිද්ධියක් වාර්තා වේ.
ගුවන් යානය තුළ ඉස්ලාම් දහමට අනුකූල ‘හලාල්’ (Halal) ආහාර වර්ග පැවතියද, ගුවන් ගමන් උපදෙස් පත්රිකාවට එම විස්තර ඇතුළත් කිරීමට බලධාරීන් අමතක වීම හේතුවෙන් මෙම අතපසුවීම සිදුවී තිබේ. ඒ අනුව, එම පිරිසට උදෑසන ආහාරය ලෙස ඌරු මස් සොසේජස් අඩංගු සම්ප්රදායික “Full Irish Breakfast” එකක් ලබා දී ඇත.
මෙම මෙහෙයුම නිරීක්ෂණය කළ රජයේ මානව හිමිකම් නිරීක්ෂකයා සඳහන් කර ඇත්තේ මෙය ඉතා අනුචිත ක්රියාවක් බවයි. තොරතුරු දැනගැනීමේ අයිතිවාසිකම් පනත යටතේ ලේඛන ප්රසිද්ධ වීමෙන් පසු අයිරිෂ් ටයිම්ස් (Irish Times) පුවත්පත මගින් මෙම සිදුවීම අනාවරණය කළේය. සිදුවීමෙන් පසු අදාළ ගුවන් සමාගම සිය මෙනු පත නිවැරදි කිරීමට පියවර ගෙන තිබේ.
