බ්රිතාන්යයේ සවුත්හැම්ප්ටන් (Southampton) නුවරදී 18 හැවිරිදි සුදු ජාතික සිසුවෙකු වූ හෙන්රි නෝවැක් (Henry Nowak) පිහි ඇනුමකට ලක්ව මියයෑමේ සිද්ධිය, බටහිර ශිෂ්ටාචාරයේ පරිහානිය සහ පාලනයකින් තොරව සිදුවන “මහජන සංක්රමණික ආක්රමණයේ” (Mass invasion of migrants) සෘජු ප්රතිඵලයක් බව ඇමෙරිකානු උප ජනාධිපති ජේ.ඩී. වෑන්ස් (JD Vance) පවසයි. පසුගිය වසරේදී සිදුවූ මෙම බිහිසුණු ඝාතනයේ වැරදිකරු වූ වික්රම් දිග්වා (Vikrum Digwa) නමැති සීක් ජාතිකයාට පසුගිය සඳුදා බ්රිතාන්ය අධිකරණය විසින් ජීවිතාන්තය දක්වා සිරදඬුවම් නියම කිරීමත් සමඟ මෙම දේශපාලන කතාබහ කරළියට පැමිණ ඇත.
අනතුර සිදුවූ අවස්ථාවේදී ඝාතකයා විසින් කරන ලද අසත්ය ජාතිවාදී චෝදනාවක් පදනම් කරගනිමින්, බ්රිතාන්ය පොලිස් නිලධාරීන් මියයමින් සිටි හෙන්රි නෝවැක්ට මාංචු දමා ඇති අතර, තමන්ට හුස්ම ගැනීමට නොහැකි බව පවසමින් ඔහු කල ආයචනා පොලිසිය නොසලකා හරින අයුරු දැක්වෙන වීඩියෝ දර්ශන හේතුවෙන් බ්රිතාන්යය තුළ දැඩි මහජන විරෝධයක් සහ පොලිසියට එරෙහිව ගැටුම්කාරී තත්ත්වයක් ද හටගෙන තිබේ. මේ පිළිබඳව එක්ස් (X) සමාජ මාධ්ය ජාලයේ සටහනක් තබමින් ඇමෙරිකානු උප ජනාධිපතිවරයා අවධාරණය කර සිටියේ, “හෙන්රි නෝවැක් මියගියේ ශිෂ්ටාචාරයක් විනාශ වන ආකාරයටම” බවයි. බටහිර සංස්කෘතියට සහ එහි වැසියන්ට වෛර කරන සංක්රමණිකයන්ට එරෙහිව නැගී සිටීමට යුරෝපීය ප්රභූන් අසමත් වීම හේතුවෙන් මෙම ඛේදවාචකය සිදුවූ බවත්, මීට එරෙහිව එකම ප්රතිචාරය “සාධාරණ කෝපය” (Righteous anger) පමණක් බවත් වෑන්ස් වැඩිදුරටත් ප්රකාශ කර තිබේ.
