ජනශක්ති සමූහ ව්යාපාරයට (Janashakthi Group – JXG) අයත්, ශ්රී ලංකාවේ ප්රාග්ධන වෙළෙඳපොළ (Capital Markets) ක්ෂේත්රයේ ප්රමුඛතම ආයතනයක් වන ෆස්ට් කැපිටල් හෝල්ඩින්ග්ස් පීඑල්සී (First Capital Holdings PLC) සමාගම, 2025/26 මූල්ය වර්ෂය තුළදී වගකීම් සහගත මූල්යකරණය, දේශගුණික වගවීම, මූල්ය ඇතුළත් කිරීම් සහ තිරසාර සංවර්ධනය වෙනුවෙන් දැක්වූ ඉහළ දායකත්වය හේතුවෙන් දේශීය හා ජාත්යන්තර මට්ටමේ සුවිශේෂී තිරසාර අනුබද්ධතාවන් සහ සහතිකකරණයන් රැසක් හිමිකර ගැනීමට සමත්ව තිබේ. ශ්රී ලංකාවේ ආයෝජන සහ ප්රාග්ධන වෙළෙඳපොළ ඉතිහාසයේ මෙවැනි ඉහළම ජාත්යන්තර තිරසාර සහතිකකරණයන් මාලාවක් දේශීය ආයතනයක් විසින් එකම වසරකදී දිනාගත් ප්රථම අවස්ථාව මෙය ලෙස සටහන් වේ.
මෙහිදී ලබාගත් සුවිශේෂීම ජයග්රහණය වන්නේ, යුරෝපීය තිරසාර සංවර්ධන සංවිධානය (EOSD) මඟින් පිරිනමනු ලබන ලොව පිළිගත් ‘Sustainability Standards & Certification Initiative’ (SSCI) සහතිකය ලබාගත් ගෝලීය මට්ටමේ ප්රථම ආයෝජන ආයතනය බවට ෆස්ට් කැපිටල් සමාගම පත්වීමයි. මීට අමතරව, එක්සත් ජාතීන්ගේ ගෝලීය සංයුක්තය (UNGC), එක්සත් ජාතීන්ගේ කාන්තා සබල ගැන්වීමේ මූලධර්ම (WEP), සහ කාබන් ගණකාධිකරණ මූල්ය හවුල්කාරිත්වය (PCAF) සමඟ නිල වශයෙන් අත්වැල් බැඳගත් ශ්රී ලංකාවේ ප්රථම ආයෝජන ආයතනය බවට ද ෆස්ට් කැපිටල් පත්ව ඇත. එමෙන්ම, එහි අනුබද්ධිත ආයතනයක් වන ෆස්ට් කැපිටල් ඇසට් මැනේජ්මන්ට් (First Capital Asset Management Limited) සමාගම, එක්සත් ජාතීන්ගේ වගකීම් සහගත ආයෝජන මූලධර්ම (UN PRI) සමඟ අත්වැල් බැඳගත් ශ්රී ලංකාවේ ප්රථම ආයතනික ව්යුහය ලෙස ද ඉතිහාසගත වී තිබේ.
මෙම සුවිශේෂී ප්රගතිය පිළිබඳව අදහස් දක්වමින් ෆස්ට් කැපිටල් හෝල්ඩින්ග්ස් හි කළමනාකාර අධ්යක්ෂ සහ ප්රධාන විධායක නිලධාරී දිල්ෂාන් වීරසේකර (Dilshan Wirasekara) මහතා ප්රකාශ කළේ, තිරසාරභාවය යනු ව්යාපාරයකට බාහිරින් පවතින දෙයක් නොව, ආයතනයක දිගුකාලීන ශක්තිය සහ වටිනාකම් නිර්මාණය කිරීමේ ප්රධානතම කේන්ද්රස්ථානය වන බවයි. ෆස්ට් කැපිටල් සමාගම සිය මෙහෙයුම් පරිශ්රයන් සූර්ය බලශක්තියෙන් (Solar Power) බලගැන්වීම, මධ්යම කඳුකරයේ වනාන්තර ප්රතිසංස්කරණය සඳහා ‘WNPS PLANT’ ව්යාපෘතිය සමඟ අත්වැල් බැඳගැනීම සහ මුහුදු සංරක්ෂණ වැඩසටහන් දියත් කරමින් පරිසර හිතකාමී ප්රවේශයක් ගෙන ඇත. එමෙන්ම, විශ්වවිද්යාල සිසුන් 1,000කට අධික පිරිසක් ඉලක්ක කරගත් ‘investED’ වැඩසටහන හරහා මූල්ය සාක්ෂරතාව ව්යාප්ත කිරීම, ‘FinPowerHer’ හරහා කාන්තා නායකත්වය සහ මූල්ය සහභාගීත්වය දිරිමත් කිරීම මෙන්ම ‘Hatch’ ආයතනය සමඟ එක්ව සුළු හා මධ්ය පරිමාණ ව්යවසායකයන් (SMEs) නංවාලීමට ද කටයුතු කර ඇත. රට නැවත ගොඩනැඟීමේ අරමුදල (Rebuild Sri Lanka Fund) සඳහා රුපියල් මිලියන 15ක මූල්ය පරිත්යාගයක් ද සිදුකරමින්, ඉදිරියේදී ජාත්යන්තර SLFRS S1 සහ S2 දේශගුණික මූල්ය වාර්තාකරණ ප්රමිතීන්ට අනුව කටයුතු කිරීමට ආයතනය පූර්ණ සූදානමකින් පසුවන බව තිරසාරත්ව සහ ආයතනික වාර්තාකරණ ප්රධානී දිලුනි ධනුෂිකා (Diluni Danushika) මහත්මිය වැඩිදුරටත් සඳහන් කළාය.
