ඩෙංගු මදුරු උවදුර සම්පූර්ණයෙන්ම පාලනය කළ හැකි මට්ටමක පවතින අතර, ඒ සඳහා මහජනතාවගේ සෘජු දායකත්වය අත්යවශ්ය බව කොළඹ නගරාධිපතිනි ව්රායි කැලී බල්තසාර් මහත්මිය පැවසුවාය. සෞඛ්ය හා ජනමාධ්ය අමාත්යාංශය ප්රකාශයට පත් කළ තෙදින විශේෂ මදුරු මර්දන ජාතික වැඩසටහන කොළඹ මහනගර සභා පරිශ්රයෙන් ඊයේ (08) පෙරවරුවේ ආරම්භ කරමින් ඇය මේ බව කියා සිටියාය. මෙම විශේෂ මෙහෙයුම ජුනි 08, 09 සහ 10 යන තෙදින පුරා දිස්ත්රික්ක 14ක් සහ සෞඛ්ය වෛද්ය නිලධාරි කොට්ඨාස 72ක් මූලික කර ගනිමින් ක්රියාත්මක වේ.
කොළඹ මහනගර සභාවේ ප්රධාන සෞඛ්ය වෛද්ය නිලධාරී වෛද්ය කේ. ශ්රීප්රතාපන් සහ ජාතික ඩෙංගු මර්දන ඒකකයේ වැඩ බලන අධ්යක්ෂ වෛද්ය කපිල කන්නන්ගර යන මහත්ම මහත්මීන්ගේ ප්රධානත්වයෙන් මෙම වැඩසටහන මෙහෙයවනු ලබයි. මෙහිදී කොළඹ නගරයේ පාසල් 150ක් ඇතුළු රජයේ ආයතන සහ සංවර්ධන කටයුතු සිදු වන වැඩබිම් කෙරෙහි විශේෂ අවධානයක් යොමු කර තිබේ.
වත්මන් ඩෙංගු තත්ත්වය පිළිබඳව අදහස් දක්වමින් ජාතික ඩෙංගු මර්දන ඒකකයේ වැඩ බලන අධ්යක්ෂ වෛද්ය කපිල කන්නන්ගර මහතා මෙසේ අවධාරණය කළේය.
“මෙම වසරේ ජනවාරි මාසයේ සිට මේ දක්වා කාලය තුළ දිවයින පුරා ඩෙංගු රෝගීන් 37,000ක් පමණ වාර්තා වී තිබෙනවා. මෙය 2025 වසර සමඟ සැසඳීමේදී රෝගීන් 10,000ක පමණ කැපී පෙනෙන වර්ධනයක්. මෙම රෝගීන්ගෙන් 50%ක්ම වාර්තා වන්නේ බස්නාහිර පළාතෙන් වන අතර, ඉන් 22%ක් කොළඹ දිස්ත්රික්කයෙන් ද, 17%ක් ගම්පහින් ද, 6%ක් කළුතරින් ද වාර්තා වෙනවා. මීට අමතරව ගාල්ල, රත්නපුර සහ මහනුවර දිස්ත්රික්කවල ද රෝගීන් වාර්තා වීම ඉහළ ගොස් තිබෙනවා. අප සිදු කළ කීට සමීක්ෂණවලදී වැඩිපුරම මදුරුවන් බෝ වන ස්ථාන ලෙස හඳුනාගෙන තිබෙන්නේ ජනතාව වැඩිපුර ගැවසෙන පාසල්, රාජ්ය ආයතන සහ ආගමික සිද්ධස්ථාන භූමි වීම විශේෂත්වයක්.”
මෙම තෙදින තුළ නිවාස, රාජ්ය සහ පෞද්ගලික ආයතන, කර්මාන්ත පරිශ්ර, වෙළෙඳසල් මෙන්ම හිමිකරුවන් නොමැති පෞද්ගලික ඉඩම් ද දැඩි පරීක්ෂාවට ලක් කෙරේ. මදුරුවන් බෝ වන ලෙස පරිශ්ර පවත්වාගෙන යන අයට එරෙහිව රතු නිවේදන නිකුත් කිරීමට සහ නීතිමය පියවර ගැනීමට කටයුතු යොදා ඇති අතර, අධි අවදානම් කලාප තුළ ධූමායන (Fogging) කටයුතු ද සිදු කෙරේ. මෙම වැඩසටහනේ ප්රගතිය දිනපතා සෞඛ්ය අමාත්යාංශයේ ආපදා කළමනාකරණ ඒකකයේදී සමාලෝචනය කර මාධ්ය වෙත නිකුත් කිරීමට ද පියවර ගෙන ඇත.
