කෘතිම බුද්ධි (AI) සේවා ක්ෂේත්රය තුළ සමාගම් අතර පවතින දැඩි තරඟකාරිත්වය ඇමරිකානු වෙළෙඳපොළ දක්වා ව්යාප්ත කරමින්, ගූගල් (Google) සමාගම සිය ‘AI Plus’ මාසික දායකත්ව ගාස්තුව (Subscription Fee) ඩොලර් 7.99 සිට ඩොලර් 4.99 දක්වා පහත හෙළීමට පියවර ගෙන තිබේ. TechCrunch වෙබ් අඩවිය වාර්තා කරන අන්දමට, ගාස්තු අඩු කිරීමට අමතරව එම සැලසුම යටතේ මෙතෙක් ලබාදුන් 200GB Cloud ධාරිතාව 400GB දක්වා දෙගුණ කිරීමට ද ගූගල් සමාගම කටයුතු කර ඇත. මෙම ‘Google AI Plus’ සේවාවට Omni Flash වීඩියෝ නිර්මාණ මෙවලම (Video Generation Tool), Google Flow නිර්මාණාත්මක චිත්රාගාරය (Creative Studio) සහ NotebookLM පර්යේෂණ සහායකයා (AI Research Assistant) ඇතුළත් වේ.
Goodwater Capital හි සම-දූතයෙකු වන Chi-Hua Chien පවසන පරිදි, ගූගල් සමාගමේ මෙම පියවර හරහා AI යටිතල පහසුකම් පොදු පාරිභෝගික භාණ්ඩයක් බවට පත්වීමේ (Commoditisation) යුගයක ඇරඹුම සලකුණු කරයි. මීට පෙර ඉන්දියාව වැනි නැඟී එන වෙළෙඳපොළවල් ඉලක්ක කරගනිමින් OpenAI සමාගම ඩොලර් 4.60කට ‘ChatGPT Go’ සේවාවත්, ගූගල් සමාගම ඩොලර් 5කට අඩුවෙන් ‘AI Plus’ සේවාවත් හඳුන්වා දී තිබුණි. Anthropic සමාගම තවමත් මෙවැනි අඩු මිල සැලසුම් හඳුන්වා දී නොමැති වුවද, ඉදිරියේදී ඔවුන්ට ද මෙම මිල යුද්ධයට මුහුණ දීමට සිදුවනු ඇත. විශේෂයෙන්ම OpenAI සහ Anthropic යන සමාගම් ද්විත්වයම කොටස් වෙළෙඳපොළට පිවිසීමට (IPO) සූදානම් වන වටපිටාවක, මෙම මිල අඩු කිරීම් ඔවුන්ගේ සමාගම් අගය කිරීම් (Valuations) කෙරෙහි දැඩි බලපෑමක් එල්ල කරනු ඇතැයි ආර්ථික විශ්ලේෂකයෝ පෙන්වා දෙති.
