නයිජීරියාවේ වයඹ දිග සෝකෝටෝ ප්රාන්තයේ ගොරාව ප්රදේශයේදී අධික බරින් යුත් බෝට්ටුවක් පෙරළී යාමෙන් ළමුන් ඇතුළු මළ සිරුරු 40කට අධික ප්රමාණයක් ගොඩගෙන ඇති බව එරට ප්රාදේශීය නිලධාරීන් සහ පදිංචිකරුවන් පවසයි. ගොරෝන්යෝ ප්රාදේශීය ආණ්ඩුකාර ප්රදේශයේ ගොරාව ආසන්නයේ මෙම අනතුර සිදුව ඇති අතර, මේ වන විටත් මුዳුකැවීමේ සහ සෝදිසි කිරීමේ මෙහෙයුම් අඛණ්ඩව ක්රියාත්මක වේ. ජාතික අභ්යන්තර ජල මාර්ග අධිකාරියේ ප්රාදේශීය කළමනාකරු අබ්දුල්කාදීර් යුසුෆ් ප්රකාශ කළේ, මියගිය අය අතර බහුතරයක් කුඩා දරුවන්ගේ සිරුරු වන බවයි. සෝකෝටෝ ප්රාන්ත ව්යවස්ථාදායකයේ මන්ත්රී නසිරු ආදමු සඳහන් කළේ මරණ සංඛ්යාව 43 දක්වා ඉහළ ගොස් ඇති අතර තවත් පුද්ගලයන් 16 දෙනෙකු බේරාගෙන ඇති බවයි. වී කැපීම සඳහා කුලියටගත් ගොවීන් සහ කම්කරුවන් රැගෙන ගිය මෙම බෝට්ටුව මත 50ත් 70ත් අතර පිරිසක් ගමන් කර ඇති බව ප්රදේශවාසීන් පවසති. අධික ජන තදබදය, නඩතුන කටයුතු නිසි පරිදි සිදු නොවීම සහ ආරක්ෂක රෙගුලාසි දැඩි ලෙස ක්රියාත්මක නොවීම හේතුවෙන් නයිජීරියාවේ ගංගා සහ ජල මාර්ගවල මෙවැනි මාරාන්තික බෝට්ටු අනතුරු නිතර සිදුවන බව වාර්තා වේ.
තොරතුරු උපුටා ගැනීම: Reuters ඇසුරින්
