යුරෝපයේ ප්රමුඛතම අභ්යවකාශ සහ ආරක්ෂක ප්රදර්ශනයක් වන ජර්මනියේ ‘ILA Berlin’ ගුවන් ප්රදර්ශනය, ඉරාන යුද්ධයේ බලපෑම සහ ප්රංශ-ජර්මානු ඒකාබද්ධ ප්රහාරක ජෙට් යානා ව්යාපෘතිය බිඳ වැටීමේ අර්බුදය හමුවේ අද (10) බර්ලින් නුවර ෂෝනෙෆෙල්ඩ් (Schoenefeld) ගුවන් තොටුපළේදී ආරම්භ විය. 1909 වසරේ සිට පැවත එන මෙම ඓතිහාසික ප්රදර්ශනය, යුරෝපීය ආරක්ෂක ක්ෂේත්රයේ නවතම තාක්ෂණයන් ලොවට ප්රදර්ශනය කරන ප්රධානතම වේදිකාවකි. මෙවර ප්රදර්ශනය ආරම්භ වූයේ යුරෝපීය ආරක්ෂක නිෂ්පාදකයන් ඇමරිකානු තරඟකරුවන් අභිබවා යාමට සහ ආරක්ෂක වියදම් ඉහළ නැංවීමට රජයන් පොළඹවන වටපිටාවක වුවද, යුරෝපයේ වඩාත්ම අභිලාෂකාමී ව්යාපෘතියක් වූ “Future Combat Air System (FCAS)” ප්රහාරක ජෙට් ව්යාපෘතිය කාර්මික තරඟකාරිත්වය හේතුවෙන් සම්පූර්ණයෙන්ම අතහැර දැමීමට සිදුවීම ප්රදර්ශනයට දැඩි බලපෑමක් එල්ල කර තිබේ.
රුසියාවෙන් එල්ල වන තර්ජන හමුවේ කඩිනමින් සන්නද්ධ වන ලෙස ඇමරිකාව යුරෝපයට බලපෑම් කරන මොහොතක, මෙම ප්රමුඛ පෙළේ ආරක්ෂක ව්යාපෘතිය බිඳ වැටීම යුරෝපයට හමුදාමය ශක්තිය ඉහළ නංවා ගැනීමේදී ඇති අභියෝග මනාව පෙන්වා දෙයි. ප්රදර්ශනය ආරම්භ වනවාත් සමඟ ඊට එරෙහිව විරෝධතාකරුවන් මාර්ග අවහිර කරමින් විරෝධතාවල නිරත වූ අතර, මෙහිදී ජර්මනිය සිය වසර 15ක නව ගුවන් සේවා උපායමාර්ගික සැලැස්ම ද ප්රකාශයට පත් කිරීමට නියමිතය.
