අද (ජූනි 11) දින කාලගුණ විද්යා දෙපාර්තමේන්තුව නිකුත් කළ නිවේදනයට අනුව, බස්නාහිර, සබරගමුව සහ වයඹ පළාත්වලත්, ගාල්ල, මාතර, මහනුවර සහ නුවරඑළිය දිස්ත්රික්කවලත් විටින් විට වැසි හෝ ගිගුරුම් සහිත වැසි ඇතිවිය හැකිය.
එම ප්රදේශවල ඇතැම් ස්ථානවලට මිලිමීටර් 50ට වැඩි තරමක තද වැසි ඇති විය හැකි බවට කාලගුණ විද්යාඥයින් අනතුරු අඟවයි.
මීට අමතරව, මධ්යම කඳුකරයේ බටහිර බෑවුම් ප්රදේශවලත්, උතුරු සහ උතුරු-මැද පළාත්වලත්, හම්බන්තොට සහ ත්රිකුණාමලය දිස්ත්රික්කවලත් පැයට කිලෝමීටර් 40-50ත් අතර වේගයකින් විටින් විට තද සුළං ඇති විය හැකිය. සෙසු ප්රදේශවල පැයට කිලෝමීටර් 30-40ත් අතර වේගයකින් තරමක තද සුළං බලාපොරොත්තු විය හැකිය.
ගිගුරුම් සහිත වැසි සමඟ ඇතිවිය හැකි තාවකාලික තද සුළංවලින් සහ අකුණු මඟින් සිදුවිය හැකි අනතුරු අවම කර ගැනීමට අවශ්ය ආරක්ෂිත පියවර ගන්නා ලෙස ජනතාවගෙන් කාරුණිකව ඉල්ලා සිටී.
