ශ්රී ලංකාව ලබාගෙන ඇති ණය ප්රමාණය දෙස හුදෙක් සංඛ්යාත්මකව (ට්රිලියන හෝ බිලියන ගණන්වලින්) පමණක් බලා ණය බර වැඩි වී ඇති බවට තීරණය කිරීම වැරදි සහගත බව පාර්ලිමේන්තු මන්ත්රීනි ලක්මාලි හේමචන්ද්ර මහත්මිය පවසයි.
පාර්ලිමේන්තුවේදී අදහස් දක්වමින් ඇය සඳහන් කළේ, රටේ සමස්ත ණය බර මේ වන විට දරාගත හැකි මට්ටමකට ක්රමයෙන් අඩු වෙමින් පවතින බවයි. ණය ප්රමාණය සංඛ්යාත්මකව වැඩි වුවද, ආර්ථිකය මත එම ණය මගින් ඇති කරන සැබෑ බර තීරණය වන්නේ ‘දළ දේශීය නිෂ්පාදිතයට’ (GDP) සාපේක්ෂව එම ණය ප්රමාණය පවතින ආකාරය අනුව බව ඇය වැඩිදුරටත් පෙන්වා දුන්නාය.
ආර්ථිකයක සැබෑ ණය බර තීරණය කිරීමේදී දළ දේශීය නිෂ්පාදිතය සමඟ එම ණය අනුපාතය සැසඳීම අත්යවශ්ය කරුණකි.
මූලික වශයෙන්, යම් රටක ආර්ථික වර්ධනය සහ දළ දේශීය නිෂ්පාදිතය ඉහළ යාම මත, ණය ප්රමාණය ඉහළ ගිය ද, රටකට එම ණය දරා ගැනීමේ හැකියාව වැඩි වන බව ආර්ථික විශේෂඥයින් ද පෙන්වා දෙයි. මන්ත්රීවරියගේ අදහස වන්නේ, ශ්රී ලංකාව මේ වන විට නිවැරදි ආර්ථික කළමනාකරණ මාවතක ගමන් කරමින් සිටින බැවින් එම දර්ශක වැඩිදියුණු වෙමින් පවතින බවයි.
