කොළඹ විශ්වවිද්යාලයේ වෛද්ය පීඨයේ ‘මෙගා කණ්ඩායම් ආදි විද්යාර්ථීන්ගේ සංගමය’ (Mega Batch Alumni Group) විසින් තම මාතෘ පීඨය වෙත කිලෝවොට් 80ක ධාරිතාවකින් යුත් අතිනවීන සූර්ය බලශක්ති (Solar System) පද්ධතියක් පරිත්යාග කර තිබේ. මෙම ව්යාපෘතිය නිල වශයෙන් ආරම්භ කිරීම පරිසර නියෝජ්ය අමාත්ය ඇන්ටන් ජයකොඩි මහතාගේ ප්රධානත්වයෙන් පසුගිය දින (10) සිදු කෙරිණි.
පීඨයේ විදුලි බිල්පත සැලකිය යුතු මට්ටමකින් අඩු කිරීම මෙම ව්යාපෘතියේ මූලික අරමුණයි. ඒ හරහා ඉතිරි කරගන්නා මූල්ය සම්පත් වෛද්ය පීඨයේ ඉගැන්වීම් කටයුතු, පර්යේෂණ ව්යාපෘති සහ ශිෂ්ය සංවර්ධන කටයුතු සඳහා නැවත ආයෝජනය කිරීමට අපේක්ෂා කෙරේ.
මෙම සුවිශේෂී අවස්ථාව සඳහා කොළඹ විශ්වවිද්යාලයේ උපකුලපතිතුමා, වෛද්ය පීඨයේ පීඨාධිපතිවරයා සහ පරිසර අමාත්යාංශයේ ලේකම් කේ.ආර්. උඩුවාවල මහතා ඇතුළු පිරිසක් සහභාගී වූහ.
මෙම ව්යාපෘතිය මගින් ලැබෙන ආර්ථික සහනයට අමතරව, එය පරිසර හිතකාමී මුලපිරීමක් ලෙස පාරිසරික භාරකාරත්වය පිළිබඳ ප්රබල ආදර්ශයක් සමාජයට සපයනු ඇත. පරිසර අමාත්යාංශයේ මාධ්ය ඒකකය සඳහන් කරන්නේ මෙය ආයතනික තිරසාරභාවය උදෙසා ගත් සුවිශේෂී පියවරක් බවයි.
