කටුනායක ජාත්යන්තර ගුවන්තොටුපොළින් ඊයේ (11) රාත්රියේ ඕස්ට්රේලියාවේ මෙල්බර්න් නුවර බලා පිටත් වූ ශ්රීලන්කන් ගුවන් සේවයට අයත් යූ.එල්. 606 (UL 606) දරණ ගුවන් යානය, අකුණු සැර වැදීමක් හේතුවෙන් යළි හදිසියේ කටුනායක වෙත ගොඩබෑමට පියවර ගෙන තිබේ.
ගුවන් යානය ගමන් කරමින් සිටියදී එහි එක් එන්ජිමකට මෙලෙස අකුණු සැර වැදී ඇති අතර, යානයේ ආරක්ෂාව තහවුරු කිරීමේ පියවරක් ලෙස නියමුවන් විසින් වහාම ක්රියාත්මක වී යානය නැවත හරවා කටුනායක ගුවන්තොටුපොළ වෙත සාර්ථකව ගොඩබස්වා ඇත. මෙම සිදුවීම හේතුවෙන් ගුවන් ගමන පැය 5කට අධික කාලයක් ප්රමාද වූ අතර, එහි සිටි මගීන් පිරිස පසුව වෙනත් ගුවන් යානයකින් මෙල්බර්න් නුවර බලා පිටත් කර යැවීමට ශ්රීලන්කන් ගුවන් සමාගම කටයුතු කළේය. මෙම සිද්ධියෙන් මගියෙකුට හෝ ගුවන් යානයට කිසිදු හානියක් සිදුව නොමැති බව ශ්රීලන්කන් ගුවන් සේවයේ ප්රකාශකයෙකු තහවුරු කළේය.
