FIFA ලෝක කුසලාන තරගාවලියේ සත්කාරකත්වය දරන ප්රබල අමෙරිකානු කණ්ඩායම, තමන් සහභාගි වූ පළමු තරගයෙන්ම පැරගුවේ කණ්ඩායම ගෝල 4-1ක් ලෙස පරාජයට පත් කරමින් විශිෂ්ට ජයක් වාර්තා කිරීමට සමත් විය. ‘D’ කාණ්ඩයේ තරගයක් ලෙස මෙරට වේලාවෙන් අද (13) උදෑසන පැවැති මෙම උණුසුම් තරගය ලොස් ඇන්ජලීස්හි සුප්රසිද්ධ ක්රීඩාංගණයේදී 70,000කට අධික ප්රේක්ෂක පිරිසක් මැද පැවැත්විණි.
තරගය ආරම්භ වී මිනිත්තු 7ක් ගත වෙද්දීම ක්රියාත්මක වූ අමෙරිකානු ඉදිරිපෙළ ක්රීඩක ඩේමියන් බොබඩිල්ලා පළමු ගෝලය වාර්තා කළේය. ඉන් අනතුරුව සුපිරි ක්රීඩක ෆොලරින් බැලෝගන් තරගයේ 31වැනි මිනිත්තුවේදී සහ පළමු අර්ධයේ අතිරේක කාලයේදී (45+5) අගනා ගෝල දෙකක් රැස් කරමින් පළමු අර්ධය නිමා වන විටම තරගයේ පාලනය අමෙරිකාව සතු කර දුන්නේය.
පැරගුවේ කණ්ඩායම වෙනුවෙන් තරගයේ 73වැනි මිනිත්තුවේදී මොරිසියෝ ගෝලයක් වාර්තා කරමින් ලකුණු තත්ත්වය 3-1ක් ලෙස පටු කළ ද, තරගයේ අවසන් අතිරේක කාලයේදී (90+8) අමෙරිකාව තවත් සුපිරි ගෝලයක් ලබා ගනිමින් 4-1ක් ලෙස තරගයේ දැවැන්ත අවසානය සනිටුහන් කළේය.
මෙම ජයග්රහණයත් සමඟ අමෙරිකාව FIFA ලෝක ශ්රේණිගත කිරීම්හි ස්ථාන 2ක් ඉදිරියට පැමිණෙමින් 15වැනි ස්ථානය දිනාගෙන ඇති අතර, පරාජයට පත් වූ පැරගුවේ කණ්ඩායම ශ්රේණිගත කිරීම්හි 42වැනි ස්ථානය දක්වා පසුබැස තිබේ.
