මවකගේ ආදරය අහිමි වී, සුළු පියාගේ වෛරයට ලක්ව, අවසානයේ අමානුෂික ලෙස පහර කෑමෙන් මියගිය සිවු හැවිරිදි දරුවකු පිළිබඳ පුවතක් සිහිපත් කරමින් මෙම වාර්තාව ඉදිරිපත් කරමු.
අනුරාධපුර, හොරොව්පොතාන ප්රදේශයේ පදිංචිව සිටි මෙම දරුවාගේ මව සහ ඇය ඇසුරු කළ සුළු පියා විසින් දරුවාට අඛණ්ඩව කර තිබූ පහරදීම් හේතුවෙන් දරුවා රෝහලට රැගෙන යද්දී මියගොස් තිබිණි. සිදු කළ පස්චාත් මරණ පරීක්ෂණයේදී දරුවාගේ සිරුරේ අමානුෂික පහරදීම්වලින් ඇති වූ තැලුම් තුවාල 48ක් තිබී හමු වූ අතර, නිසි ආහාර නොලැබීම සහ දරුණු පහරදීම් නිසා ඇති වූ රුධිර ගමනාගමන අවහිරතා දරුවාගේ මරණයට හේතු වී තිබුණි.
අසල්වැසියන් පවසන පරිදි, මව සහ සුළු පියාගේ අනිසි ලිංගික සබඳතාවලට දරුවා නිරන්තර බාධාවක්ව තිබීම මෙම කෲර පහරදීම්වලට ප්රධාන හේතුව වී ඇත. දරුවාට ලැබිය යුතු මව් සෙනෙහස වෙනුවට මවගෙන් ද ලැබුණේ අමානුෂික පහරදීම්ම පමණි. අවසානයේ අහිංසක දරුවාගේ ජීවිතය අහිමි විය.
මෙවැනි පවුල් පසුබිම් සහ දරුවන් කෙරෙහි දක්වන අමානුෂික හැසිරීම් වළක්වා ගැනීමට සමාජයක් ලෙස අපට විශාල වගකීමක් පවතී. දරුවන් ආරක්ෂා කිරීම සෑම වැඩිහිටියෙකුගේම මූලික වගකීමකි.
