අන්තර්ජාලය ඔස්සේ සිදුකරන ගෙවීම් අතිශය ආරක්ෂිත සහ අකුණු සැරේ වේගයෙන් සිදුකිරීමට මඟ පාදමින්, Visa සමාගම ශ්රී ලංකාව තුළ සිය නවතම ‘Click to Pay’ සේවාව නිල වශයෙන් හඳුන්වා දී ඇත.
මෙම නවීන තාක්ෂණය හරහා පාරිභෝගිකයින්ට සහ ව්යාපාරිකයින්ට සරල සහ වේගවත් ගෙවීම් අත්දැකීමක් හිමිවේ. සෑම ගනුදෙනුවකදීම කාඩ්පත් විස්තර ඇතුළත් කිරීමේ හෝ පෝරම පිරවීමේ වෙහෙසකර ක්රියාවලිය මෙහිදී අවසන් වෙයි. එක් වරක් කාඩ්පත ලියාපදිංචි කිරීමෙන් පසු, ඉදිරියේදී ක්ලික් කිරීම් කිහිපයකින් ගනුදෙනුව සම්පූර්ණ කළ හැකිය.
එමෙන්ම ‘Click to Pay’ පදනම් වී ඇත්තේ අතිශය ආරක්ෂිත Tokenised තාක්ෂණය මතය. මෙහිදී සැබෑ කාඩ්පත් දත්ත වෙනුවට ආරක්ෂිත digital tokens භාවිතා වන බැවින්, මූල්ය වංචා සහ දත්ත නිරාවරණය වීමේ අවදානම සම්පූර්ණයෙන්ම පාහේ ඉවත් වෙයි. සංකීර්ණ සත්යාපන පියවර මගහැරෙන බැවින් අන්තර්ජාල මිල දී ගැනීම් අතරමගදී පාරිභෝගිකයින් ඉවත් වීම අවම වී, ව්යාපාරිකයින්ට තම විකුණුම් ප්රතිශතයන් ඉහළ නංවා ගැනීමට හැකිවේ.
Visa හි ශ්රී ලංකා සහ මාලදිවයින කළමනාකාරිණී අවන්ති කොළඹගේ මහත්මිය පවසන්නේ, ශ්රී ලාංකිකයින්ගේ ඩිජිටල් ගනුදෙනු අත්දැකීම වඩාත් විශ්වසනීය සහ පහසු කිරීම මෙම නව පියවරේ ප්රධානතම අරමුණ බවයි. මෙම තාක්ෂණය ශ්රී ලංකාවේ ඩිජිටල් වාණිජ්යය ක්ෂේත්රයේ කාර්යක්ෂමතාවය ඉහළ නැංවීමට විශාල දායකත්වයක් සපයනු ඇතැයි අපේක්ෂා කෙරේ.
