ලංකාව නුදුරේදීම විදුලි බස් (EV Bus) මිලදී ගැනීමට සූදානම් වන පසුබිමක, ලෝක වෙළඳපොළේ ප්රමුඛතම චීන EV බස් නිෂ්පාදකයින් පිළිබඳ තොරතුරු වාර්තා වේ. අපනයන වෙළඳපොළ, කල්පැවැත්ම (Durability), මලකඩවලින් ආරක්ෂා වීමේ හැකියාව, අභ්යන්තර ගුණාත්මකභාවය සහ දිගුකාලීන කාර්යසාධනය පදනම් කර ගනිමින් මෙම ශ්රේණිගත කිරීම් සිදුකර ඇත.
චීන ප්රමුඛ පෙළේ EV බස් නිෂ්පාදකයින් අතර පළමු ස්ථානය ලෝකයේ විශාලතම EV බස් නිෂ්පාදකයා වන Yutong (යුටොන්ග්) වෙත හිමිවන අතර, ඔවුන් 12m City Low-floor / Low-entry බස් රථ සඳහා ගෝලීය ‘Benchmark’ එකක් ලෙස සැලකේ. දෙවන ස්ථානයට පත්වන BYD (බී.වයි.ඩී) බැටරි සහ EV තාක්ෂණයෙන් ලෝකයේ ප්රමුඛයා වන අතර, ඔවුන්ගේම ‘Blade Battery’ නිෂ්පාදනය කිරීම සහ ඉතා ශක්තිමත් EV තාක්ෂණික ඉංජිනේරු විද්යාව ඔවුන්ගේ ප්රධාන වාසියයි. මධ්යම කාණ්ඩයේ ඉහළ තත්ත්වයක් දරන Higer (හයිගර්) විශේෂයෙන්ම EV Coach සහ Intercity බස් සඳහා ප්රසිද්ධ වන අතර, ඔවුන් ප්රධාන වශයෙන් CATL බැටරි සහ Dana TM4 powertrain භාවිතා කරයි. මීට අමතරව, හොඳ ගුණාත්මකභාවයකින් යුත්, මිලට සරිලන (Cost-effective) බස් රථ නිෂ්පාදනය කරන King Long (කිං ලෝං) ප්රධාන සමාගමක් වන අතර, Zhongtong (ෂොංටොං) වටිනාකමට අගය එකතු කරන නිෂ්පාදකයෙකු ලෙස ඉහත වෙළඳ නාමවලට තරමක් පහළින් ශ්රේණිගත වේ.
චීන බස් රථ මිලදී ගැනීමේදී ප්රතිපත්ති සම්පාදකයින් සහ ආයෝජකයින් සැලකිල්ලට ගත යුතු කරුණු පිළිබඳව විශේෂඥයෝ කරුණු පෙන්වා දෙති. ඒ අනුව, දීර්ඝ කාලීනව අමතර කොටස් ලබා ගැනීමේ හැකියාව ඇති ගෝලීය ප්රමිතීන්ට අනුව නිෂ්පාදිත බස් රථ පමණක් තෝරා ගැනීම අත්යවශ්ය වේ. එසේම ශ්රී ලංකාවේ මාර්ග තත්ත්ව සහ නඩත්තු පිරිවැය සැලකීමේදී ‘Low-floor’ මාදිලිවලට වඩා ‘Low-entry’ මාදිලි වඩාත් සුදුසු වන අතර, විශාල බස් ප්රමාණයක් මිලදී ගැනීමේදී ඩීසල් බලාගාර මගින් විදුලිය සැපයීම අර්ථ විරහිත බැවින් නිසි ‘Depot charging’ ජාලයක් තිබීම අනිවාර්ය වේ. අවසාන වශයෙන්, EV බස් රථවල මූලික මිල USD 400,000 වැනි ඉහළ අගයක් ගන්නා හෙයින්, බැටරි ප්රතිස්ථාපන පිරිවැය සහ වගකීම් කාලය (සාමාන්යයෙන් අවුරුදු 8 හෝ 500,000 km) පිළිබඳව මනා අවබෝධයකින් යුතුව ආයෝජනය කළ යුතුය. සාරාංශයක් ලෙස, ඉදිරි ආයෝජනවලදී Build Quality සහ Durability අතින් Yutong තවමත් පෙරමුණේ පසුවන අතර, EV තාක්ෂණය අතින් BYD ඉතා සමීපතම තරඟකරුවා වේ.
