මෙවර පැවැති සාමාන්ය පෙළ විභාගයේ ප්රතිඵල නිකුත් වීමත් සමඟ, දිවයිනේ කුසලතා ලබාගත් සිසුන්ගේ නම් ලැයිස්තුවක් නිල වශයෙන් ප්රකාශයට පත් නොකරන බව විභාග කොමසාරිස් ජනරාල්වරිය සඳහන් කරයි.
විභාග කොමසාරිස් ජනරාල්වරිය පෙන්වා දෙන්නේ, සාමාන්ය පෙළ විභාගය යනු දරුවන්ගේ මූලික අධ්යාපන මට්ටම පරීක්ෂා කිරීම සඳහා සහ උසස් පෙළ හැදෑරීම සඳහා සුදුසුකම් ලබන සිසුන් තෝරා ගැනීම සඳහා පවත්වනු ලබන විභාගයක් පමණක් බවයි.
එම නිසා මෙම විභාගය මගින් සිසුන් අතර තරගකාරීත්වයක් ඇති කිරීම හෝ කුසලතා ලාභීන් ප්රසිද්ධ කිරීම වෙනුවට, සිසුන්ගේ අධ්යාපන මට්ටම තහවුරු කර ගැනීම කෙරෙහි වැඩි අවධානයක් යොමු කර තිබේ. මෙම තීරණය මගින් සිසුන් මත පවතින විභාග පීඩනය අවම කිරීමට සහ ඔවුන්ගේ අධ්යාපන අනාගතය තිරසාර කිරීමට අපේක්ෂා කරන බව විභාග දෙපාර්තමේන්තුව පෙන්වා දෙයි.
මෙම නව තීරණය පිළිබඳව මේ වන විටත් සමාජය තුළ විවිධ අදහස් හුවමාරු වෙමින් පවතින අතර, බොහෝ පාර්ශවයන් මෙය දරුවන්ගේ මානසික සුවතාවය වෙනුවෙන් ගත් කාලෝචිත පියවරක් ලෙස අගය කරනු ලබයි.
