ඉරාන ජනාධිපති මසුද් පෙෂෙකියාන් මහතා අද දින පාකිස්තානය බලා නිල සංචාරයක නිරත වීමට නියමිතය. මෙම එක්දින සංචාරයේ ප්රධාන අරමුණ වන්නේ දෙරට අතර මීට පෙර අත්සන් තැබූ ගිවිසුම්වල ප්රගතිය විමර්ශනය කිරීම සහ ආර්ථික සහයෝගිතාව තවදුරටත් පුළුල් කර ගැනීමයි.
මෙම සංචාරය අතරතුර ඉරානය සහ ඇමරිකා එක්සත් ජනපදය අතර පවතින ගැටුම් සමනය කිරීම සඳහා පාකිස්තානය විසින් ලබා දුන් මැදිහත්කාරිත්වය සහ සහයෝගය වෙනුවෙන් සිය කෘතඥතාව පළ කිරීමට ද ඉරාන ජනාධිපතිවරයා අපේක්ෂා කරයි. භූ-දේශපාලනික වශයෙන් අතිශය වැදගත් කලාපීය සබඳතා ශක්තිමත් කර ගැනීමේ අරමුණින් සිදු කෙරෙන මෙම සංචාරය, ආසියානු කලාපයේ උපායමාර්ගික වෙනසක් සඳහා මඟ පෑදිය හැකි බව විචාරකයින් පෙන්වා දෙයි.
