රජය විසින් කෙසෙල් ගස්වල පටවලින් (කෙසෙල් කෙඳිවලින්) අලුතින් රෙදිපිළි නිෂ්පාදනය කිරීමට අවධානය යොමු කිරීමට ප්රථම, වත්මන් දැඩි ආර්ථික අර්බුදය හමුවේ වැසීයාමේ බරපතළ අවදානමකට ලක්ව ඇති මෙරට පවතින සාම්ප්රදායික ඇඟලුම් කර්මාන්තශාලා සුරක්ෂිත කිරීමට වහාම ප්රමුඛතාව ලබා දිය යුතු බව විපක්ෂ නායක සජිත් ප්රේමදාස මහතා ප්රකාශ කරනවා. ජනහමුවක් අමතමින් විපක්ෂ නායකවරයා පෙන්වා දුන්නේ පවතින ආර්ථික දුෂ්කරතා, අධික පිරිවැය සහ වෙනත් අහිතකර සාධක හේතුවෙන් ශ්රී ලංකාවේ ප්රධානතම විදේශ විනිමය උපයන්නා වන ඇඟලුම් කර්මාන්තශාලා මේ වන විට අතිශය අස්ථාවර සහ අන්තරායකර තත්ත්වයකට පත්ව ඇති බවයි.
කෘෂිකර්ම නියෝජ්ය අමාත්ය නාමල් කරුණාරත්න මහතා විසින් මෑතකදී සිදුකළ ප්රකාශයක් ඍජුවම විවේචනය කරමිනුයි විපක්ෂ නායකවරයා මෙම අදහස් පළ කර තිබෙන්නේ. නාමල් කරුණාරත්න මහතා මෑතකදී ප්රකාශ කර තිබුණේ ලංකාවේ කෙසෙල් ගස්වල පට උපයෝගී කරගනිමින් නව රෙදිපිළි නිෂ්පාදන ව්යාපෘතියක් ආරම්භ කිරීමට රජයේ සැලසුමක් පවතින බවයි. ඊට ප්රතිචාර දක්වමින් සජිත් ප්රේමදාස මහතා අවධාරණය කළේ, පවතින දැඩි ආර්ථික අර්බුදය නිසා ලංකාවේ ඇඟලුම් කර්මාන්තශාලා තියෙන්නේ ඉතාමත් අවදානම් අඩියක බවත්, මේ මොහොතේ රජයක අත්යවශ්යම සහ මූලිකම වගකීම වන්නේ පවතින කර්මාන්තශාලා සහ සේවක රැකියා ටික රැකගැනීම මිස ප්රායෝගික නොවන නව පරීක්ෂණ පසුපස යාම නොවන බවත්ය. එම නිසා මෙවැනි විදේශ විනිමය අර්බුද හමුවේ කෙසෙල් පටවලින් රෙදි නිෂ්පාදනය කරන්න හිතන්න කලින්, වත්මන් රජය දැනට පවතින ඇඟලුම් ක්ෂේත්රයේ කඩාවැටීමට කඩිනම් විසඳුම් සෙවිය යුතු බව ද ඔහු වැඩිදුරටත් කියා සිටියා.
