විදේශයන්හි වෙසෙන ශ්රී ලාංකික සම්භවයක් සහිත දක්ෂ ක්රීඩක ක්රීඩිකාවන්ට ජාත්යන්තර තරගාවලිවලදී ශ්රී ලංකාව නියෝජනය කරමින් ක්රීඩා කිරීම සඳහා තරුණ කටයුතු හා ක්රීඩා අමාත්යාංශය විසින් විශේෂ විවෘත ආරාධනාවක් කර තිබෙනවා. තරුණ කටයුතු හා ක්රීඩා අමාත්ය සුනිල් කුමාර ගමගේ මහතා ප්රකාශ කළේ, තම මව්බිම වෙනුවෙන් තරග වැදීමට කැමැත්තක් දක්වන විදෙස්ගත ක්රීඩකයන් සඳහා අවශ්ය සියලුම සම්බන්ධීකරණ කටයුතු සහ උපරිම සහාය ලබා දීමට අමාත්යාංශය සූදානම් බවයි. සුප්රසිද්ධ ශ්රී ලාංකික-අමෙරිකානු ජිම්නාස්ටික් ක්රීඩිකාවක වන ටියානා සුමනසේකර (Tiana Sumanasekera) ඉදිරි ජාත්යන්තර තරගාවලිවලදී නිල වශයෙන් ශ්රී ලංකාව නියෝජනය කිරීමට තීරණය කර ඇති බව තහවුරු කරමින් අමාත්යවරයා මේ බව සඳහන් කළා.
අමාත්යාංශයට අනුව, ශ්රී ලංකාව නියෝජනය කිරීමට කැමති විදේශයන්හි වෙසෙන ක්රීඩකයන් සඳහා අවශ්ය වන සියලුම පරිපාලන සහ ලොජිස්ටික් (Logistical) පහසුකම් ක්රීඩා අමාත්යාංශය හරහා සෘජුවම සලසා දීමට නියමිතයි. ලොව පුරා විසිරී සිටින ශ්රී ලාංකික උරුමයක් සහිත දක්ෂ ක්රීඩකයන් මෙරටට ආකර්ෂණය කර ගනිමින් ජාත්යන්තර ක්රීඩා පිටියේ ශ්රී ලංකා නාමය තවදුරටත් ශක්තිමත් කිරීම මෙම වැඩපිළිවෙළේ ප්රධාන අරමුණයි. ටියානා සුමනසේකර ගත් මෙම සුවිශේෂී තීරණයත් සමඟ, විදේශයන්හි ඉහළ දක්ෂතා දක්වන තවත් බොහෝ ශ්රී ලාංකික සම්භවයක් සහිත ක්රීඩකයන් ඉදිරියේදී ලංකාව වෙනුවෙන් ක්රීඩා කිරීමට ඉදිරිපත් වනු ඇතැයි අමාත්යාංශය දැඩි විශ්වාසය පළ කරනවා.
