අධ්යාපන ක්ෂේත්රයට අදාළව පවතින ගැටලු විසඳීම සඳහා කඩිනමින් පියවර ගන්නා ලෙස අග්රාමාත්ය ආචාර්ය හරිනි අමරසූරිය මහත්මිය අදාළ අංශ වෙත උපදෙස් ලබා දී තිබේ.අධ්යාපන, උසස් අධ්යාපන සහ වෘත්තීය අධ්යාපන කටයුතු පිළිබඳ අමාත්යාංශීය උපදේශක කාරක සභාව පසුගියදා පාර්ලිමේන්තුවේදී රැස්වූ අවස්ථාවේදී මෙම උපදෙස් ලබා දුන්නේය. එහිදී පාර්ලිමේන්තු මන්ත්රීවරුන් විසින් අධ්යාපන ක්ෂේත්රයේ පවතින ගැටලු රැසක් කාරක සභාව හමුවේ ඉදිරිපත් කරනු ලැබීය.එම සාකච්ඡාවේදී ප්රාථමික පාසල් ඉදිකිරීම් සඳහා ප්රමිතියට අනුකූල පොදු සැලැස්මක් හා ආකෘතියක් හඳුන්වා දීමේ අවශ්යතාව, උපකෘත පාසල්වල පරිපාලන ගැටලු සහ ගුරු මාරු සම්බන්ධ ගැටලු, පළාත් මට්ටමින් පාසල්වල සිදු කෙරෙන ඉදිකිරීම්වල ප්රගතිය මෙන්ම වෘත්තීය අධ්යාපන ක්ෂේත්රයේ පවතින ගැටලු සහ අනාගත සැලසුම් පිළිබඳව පුළුල්ව අවධානය යොමු විය.මෙම කරුණු සම්බන්ධයෙන් නිලධාරීන්ගෙන් කරුණු විමසූ අග්රාමාත්යවරිය, පවතින බාධාවන් ඉවත් කරමින් අවශ්ය පියවර කඩිනමින් ගන්නා ලෙස උපදෙස් ලබා දුන්නාය. එසේම, මෙම උපදේශක කාරක සභාව යටතේ ස්ථාපිත කර ඇති අනුකාරක සභාවල ප්රගතිය පිළිබඳව ද මෙහිදී සමාලෝචනය කෙරිණි.මෙම අවස්ථාව සඳහා අධ්යාපන හා උසස් අධ්යාපන නියෝජ්ය අමාත්ය මදුර සෙනෙවිරත්න, වෘත්තීය අධ්යාපන නියෝජ්ය අමාත්ය නලීන් හේවගේ යන මහත්වරුන් සහ අමාත්යාංශ ලේකම් නාලක කළුවැව මහතා ඇතුළු නිලධාරීන් පිරිසක් සහභාගී වූහ.
