ශ්රී ලංකාවේ එක්සත් ජාතීන්ගේ නේවාසික සම්බන්ධීකාරක මාර්ක්-ඇන්ඩ්රේ ෆ්රාන්චේ (Marc-André Franche) මහතා සහ ලෝක ආහාර වැඩසටහනේ (WFP) මෙරට නියෝජිත සහ අධ්යක්ෂ පිලිප් වෝඩ් (Philip Ward) මහතා පෙරේදා (24) ආරක්ෂක අමාත්යාංශයේදී ආරක්ෂක ලේකම් විශ්රාමික එයාර් වයිස් මාර්ෂල් සම්පත් තුයියකොන්තා මහතා හමුවිය.
මෙම හමුවේදී සාකච්ඡා වූ ප්රධාන කරුණු කිහිපයක් පහත දැක්වේ:
ලෝක ආහාර වැඩසටහන මගින් ශ්රී ලංකාව තුළ ක්රියාත්මක කරනු ලබන වැඩසටහන් සහ ආපදා අවදානම් කළමනාකරණය (risk management) මෙන්ම ඔරොත්තු දීමේ හැකියාව (resilience building) වර්ධනය කිරීමේ වැඩසටහන් සම්බන්ධයෙන් රජයේ ප්රමුඛතා පිළිබඳව අවධානය යොමු කෙරිණි.
ජාතික මට්ටමේ සූදානම (national preparedness) සහ ප්රතිචාර දැක්වීමේ යාන්ත්රණයන් (response mechanism) ශක්තිමත් කිරීම වෙනුවෙන් ආරක්ෂක අමාත්යාංශය සහ ලෝක ආහාර වැඩසටහන අතර අනාගත සහයෝගිතාව ඇති කර ගත හැකි ක්ෂේත්ර පිළිබඳව දීර්ඝව සාකච්ඡා කරන ලදී.
ස්වාභාවික ආපදා සහ අනෙකුත් හදිසි අවස්ථාවන්ට මුහුණ දීමේදී ශ්රී ලංකාවේ ඔරොත්තු දීමේ හැකියාව ඉහළ නැංවීමට ජාත්යන්තර ප්රජාවෙන් සහ ලෝක ආහාර වැඩසටහනෙන් ලබාගත හැකි සහාය පිළිබඳවද මෙහිදී විශේෂ අවධානයක් යොමු විය.
එක්සත් ජාතීන්ගේ සංවිධානය සහ ලෝක ආහාර වැඩසටහන මගින් ශ්රී ලංකාවට ලබාදෙන දිගුකාලීන සහයෝගය අගය කළ ආරක්ෂක ලේකම්වරයා, රටේ සංවර්ධන අභිලාෂයන් සාක්ෂාත් කර ගැනීම සඳහා ජාත්යන්තර හවුල්කරුවන් සමඟ සමීපව කටයුතු කිරීමට අපේක්ෂා කරන බව වැඩිදුරටත් ප්රකාශ කළේය.
