ඇමරිකා එක්සත් ජනපදයේ කොලරාඩෝ ප්රාන්තයේ 1 වන කොන්ග්රස් දිස්ත්රික්කය සඳහා පැවති ඩිමොක්රටික් පක්ෂයේ ප්රාථමික මැතිවරණයෙන්, වාර 15ක් පුරා එම ධුරය දැරූ ඩයනා ඩිගෙට් පරාජය කරමින් 29 හැවිරිදි මෙලට් කිරෝස් ජයග්රහණය කර ඇත.කිරෝස් ඩිමොක්රටික් සමාජවාදී මතධාරියෙකි. ඊශ්රායලය සහ පලස්තීනය සම්බන්ධයෙන් නීති ආයතන දැරූ ස්ථාවරය විවේචනය කරමින් සමාජ මාධ්යයේ පළ කළ මතයක් හේතුවෙන් ඇයට සිය නීතිඥ වෘත්තිය අහිමි විය. ඊශ්රායලයේ ක්රියාමාර්ග ‘ජන සංහාරයක්’ ලෙස ඇය හඳුන්වා දී ඇත. එසේම ඇය සමාජවාදී දේශපාලන විචාරක හසන් පයිකර් සමඟ ඇති කරගත් සන්ධානය සහ ඇයගේ ඇතැම් දේශපාලන ප්රකාශ මතභේදයට තුඩු දී තිබුණි.
මෙලට් කිරෝස් ළදරු අවදියේදී ඉතියෝපියාවේ සිට අමෙරිකාවට සංක්රමණය වූවෙකි. දැඩි ලෙස ඩිමොක්රටික් පක්ෂයට නැඹුරු මෙම දිස්ත්රික්කයේ පැවැත්වෙන නොවැම්බර් මාසයේ මහ මැතිවරණයෙන් කිරෝස් ජයග්රහණය කරනු ඇතැයි අපේක්ෂා කෙරේ. මෙම ජයග්රහණය මෙම ගිම්හානයේදී සාම්ප්රදායික ඩිමොක්රටික් පක්ෂ අපේක්ෂකයින් පරාජය කරමින් මතුවන වාමවාදී අපේක්ෂකයින්ගේ නවතම ජයග්රහණය ලෙස සැලකේ.
