මෑතකදී අභාවප්රාප්ත වූ ඉරානයේ උත්තරීතර නායක අයතුල්ලා අලි කමේනිගේ (Ayatollah Ali Khamenei) රාජ්ය අවමංගල්ය උත්සවයට රුසියානු ජනාධිපති ව්ලැඩිමීර් පුටින්ගේ විශේෂ නියෝජිතයා ලෙස රුසියාවේ හිටපු ජනාධිපති මෙන්ම ආරක්ෂක කවුන්සිලයේ වත්මන් නියෝජ්ය සභාපති දිමිත්රි මෙද්වදෙව් (Dmitry Medvedev) ටෙහෙරාන් නුවර බලා යාමට නියමිතය.
මැදපෙරදිග කලාපයේ පවතින දැඩි යුදකාමී සහ දේශපාලන නොසන්සුන්තා මධ්යයේ රුසියාව සහ ඉරානය අතර පවතින ශක්තිමත් ද්විපාර්ශ්වික සබඳතාවය ලෝකයටම විදහා පෑමක් ලෙස මොස්කව් පාලනය විසින් මෙම ඉහළ පෙළේ රාජ්ය තාන්ත්රික නියෝජිතයා ඉරානය වෙත පිටත් කර හැරීමට තීරණය කර තිබේ.
ජූලි 4 වැනිදා සිට ජූලි 9 වැනිදා දක්වා ඉරානයේ සහ ඉරාකයේ ප්රධාන නගර කිහිපයක මෙම අවමංගල්ය උත්සව මාලාව පැවැත්වීමට නියමිත අතර, විදේශීය නායකයන් සහ රාජ්ය තාන්ත්රිකයන් වෙනුවෙන් පැවැත්වෙන නිල උපහාර උත්සවයට මෙද්වදෙව් මහතා එක්වනු ඇත.
