හෝමාගම බස් ඩිපෝ පරිශ්රය තුළ මදුරුවන් බෝවන අයුරින් පරිසරය පවත්වාගෙන යාම හේතුවෙන් එම ඩිපෝවට රුපියල් 25,000ක දඩයක් නියම කිරීමට හෝමාගම මහේස්ත්රාත් රජීන්ද්රා ජයසූරිය මහත්මිය අද (02) නියෝග කළාය.
හෝමාගම සෞඛ්ය වෛද්ය නිලධාරී කාර්යාලයේ පිටිපන මහජන සෞඛ්ය පරීක්ෂකවරයා විසින් සිදුකළ කරුණු දැක්වීමකට අනුව මෙම නඩුව ගොනු කෙරිණි.
මෙම පරිශ්රය පිරිසිදු කරන ලෙස මහජන සෞඛ්ය පරීක්ෂකවරයා විසින් අවස්ථා හතරකදීම (04) රතු නිවේදන මගින් අනතුරු අඟවා තිබූ නමුත්, එය නිසි ලෙස ඉටු නොකිරීම හේතුවෙන් මෙම නීතිමය පියවර ගෙන ඇත. පසුගිය 28 වන දින පාර්ලිමේන්තු මන්ත්රී අරුණ පනාගොඩ මහතා සහ හෝමාගම ප්රාදේශීය සභාවේ සභාපති කසුන් ගුණරත්න මහතා සිදුකළ නිරීක්ෂණ චාරිකාවකදී ද ඩිපෝ භූමිය තුළ මදුරුවන් බෝවන ස්ථාන රැසක් හඳුනාගෙන තිබුණි.
