පවතින කාලගුණික තත්ත්වය සමඟ දිවයින පුරා ඩෙංගු රෝගීන් සංඛ්යාවේ කැපී පෙනෙන ඉහළ යාමක් වාර්තා වන අතර, ඊට ප්රධාන හේතුව වී ඇත්තේ ඩෙංගු වෛරස් ප්රභේදයේ සිදුව ඇති වෙනසක් බව නියෝජ්ය අමාත්ය චතුරංග අබේසිංහ මහතා පවසයි.
මෙවැනි තත්ත්වයන් සාමාන්යයෙන් වසර හතරකට වරක් චක්රීයව ඇති වන ස්වභාවික ප්රවණතාවක් බවද අමාත්යවරයා පෙන්වා දෙයි. මේ වන විට සිදුකළ පරීක්ෂණවලින් අනාවරණය වී ඇත්තේ ඩෙංගු මදුරුවන් බහුලව බෝවන්නේ සාමාන්ය ඇළ මාර්ගවලට හෝ කානු පද්ධතිවලට වඩා නිවාස සහ ගොඩනැගිලි ඇතුළත එකතු වන පිරිසිදු ජලයේ බවයි. එබැවින්, මෙම රෝග ව්යාප්තිය පාලනය කර ගැනීම සඳහා මහජනතාව ඉතා වගකීමෙන් යුතුව තම නිවස සහ අවට පරිසරය පිරිසිදුව තබා ගැනීමට කටයුතු කළ යුතු බවද ඔහු අවධාරණය කරයි.
ඩෙංගු මර්දනය කිරීමේ අරමුණින් පසුගිය දිනවල ශ්රී ජයවර්ධනපුර කෝට්ටේ ප්රදේශය කේන්ද්ර කරගනිමින් විශේෂ මෙහෙයුමක් සිදු කෙරුණු අතර, එහිදී අධි අවදානම් කලාපවල පිහිටි නිවාස 3,500ක් පමණ පරීක්ෂාවට ලක් කරන ලදී. මෙම අඛණ්ඩ වැඩපිළිවෙළ හේතුවෙන් මේ වන විට කෝට්ටේ ප්රදේශය තුළ ඩෙංගු ව්යාප්තිය යම් මට්ටමකට පාලනය කර ගැනීමට හැකිවී ඇති බවද නියෝජ්ය අමාත්යවරයා වැඩිදුරටත් සඳහන් කළේය.
