තුර්කියේ අන්කාරා නුවර පැවැත්වෙන නේටෝ (NATO) සමුළුව අතරතුර බ්රිතාන්යය සහ තුර්කිය අතර නව ආරක්ෂක සහ විදේශ ප්රතිපත්ති සහයෝගිතා ගිවිසුමකට අත්සන් තබා තිබේ. බ්රිතාන්ය අග්රාමාත්ය කීර් ස්ටාමර් සහ තුර්කි ජනාධිපති රෙසෙප් තායිප් අර්දගන් යන මහත්වරුන් ඉදිරියේ මෙම ද්විපාර්ශ්වික ගිවිසුමට එළඹුණු අතර, මේ හරහා දෙරට අතර ආරක්ෂක කර්මාන්ත, සයිබර් ආරක්ෂණ, ත්රස්තවාදයට එරෙහි වීම සහ දෙමුහුන් (Hybrid) තර්ජන මැඩපැවැත්වීම වැනි ක්ෂේත්ර රැසක සහයෝගීතාව තවදුරටත් ශක්තිමත් වේ. යුරෝපය, මැදපෙරදිග සහ කළු මුහුද කලාපයේ පවතින ආරක්ෂක අර්බුද හමුවේ නේටෝ සංවිධානය තුළ තුර්කිය සතු උපායමාර්ගික වැදගත්කම මෙම නව ගිවිසුම මඟින් තවදුරටත් තහවුරු කර ඇත.
තොරතුරු උපුටා ගැනීම: Mario nawfal(X) ඇසුරින්
