මීගමුව බන්ධනාගාරය තුළදී බන්ධනාගාර නිලධාරීන් අටදෙනෙකු (08) අමානුෂික ලෙස ඝාතනය කිරීමේ සිද්ධියට සම්බන්ධ බවට සැකකෙරෙන රැඳවියන් දෙසීයකට (200) ආසන්න පිරිසක් මේ වන විට හඳුනාගෙන ඇති බව පොලිස් මූලස්ථානය පවසයි.
මෙම අතිශය බිහිසුණු ප්රහාරයට සම්බන්ධ වූ සැකකරුවන්ට එරෙහිව ඉදිරියේදී මිනීමැරීමේ චෝදනා යටතේ නඩු පැවරීමට නීතිපති දෙපාර්තමේන්තුවේ උපදෙස් මත කටයුතු සූදානම් කරමින් පවතින බව වාර්තා වේ. මීට අමතරව, සිද්ධිය සම්බන්ධයෙන් අදාළ රැඳවියන් වෙත දැඩි විනය ක්රියාමාර්ග ගැනීමට සහ බන්ධනාගාර නීතිරීතිවලට අනුව ඔවුන්ව වෙනත් ඉහළ ආරක්ෂක රැඳවුම් මධ්යස්ථාන වෙත මාරු කිරීමට ද බලධාරීන් පියවර ගනිමින් සිටී.
මෙම ඝාතන සිද්ධිය සම්බන්ධයෙන් සිදුවන විමර්ශන කටයුතු මේ වන විටත් ඉතා දැඩි නිරීක්ෂණයකට ලක්ව ඇති අතර, වැරදිකරුවන්ට එරෙහිව නීතිය උපරිමයෙන් ක්රියාත්මක කරන බව පොලිස් ආරංචි මාර්ග සඳහන් කරයි.
