ඉන්දීය අපනයන සංවිධාන සම්මේලනයේ (FIEO) ප්රධානත්වයෙන්, සාමාජිකයන් 31 දෙනෙකුගෙන් සමන්විත ඉහළ පෙළේ ව්යාපාරික දූත පිරිසක් ශ්රී ලංකාවේ තෙදින නිල සංචාරයක නිරත විය. කොළඹදී පැවැති මෙම වැඩසටහන් මාලාවේ අරමුණ වූයේ දෙරට අතර ආර්ථික සහයෝගිතාව සහ වෙළෙඳ සබඳතා තවදුරටත් ශක්තිමත් කිරීමයි.
මෙම සංචාරයේ ප්රධාන අංග කිහිපයක් පහත දැක්වේ:
ශ්රී ලංකාවේ ඉන්දීය මහ කොමසාරිස් සන්තෝෂ් ජා මහතාගේ ප්රධානත්වයෙන් ටාජ් සමුද්රා හෝටලයේදී පැවැති ‘India-Sri Lanka Trade Connect’ සැසිය හරහා දෙරටේ ව්යාපාරිකයන් අතර සෘජු ව්යාපාරික සබඳතා (B2B) ගොඩනඟා ගැනීමට අවස්ථාව හිමි විය. ඖෂධ, ඉංජිනේරු නිෂ්පාදන, ඇඟලුම්, ආහාර හා කෘෂිකාර්මික නිෂ්පාදන සහ යටිතල පහසුකම් වැනි ක්ෂේත්ර රැසක් මෙම සාකච්ඡා සඳහා නියෝජනය විය.
FIEO සහ ශ්රී ලංකා ජාතික අපනයනකරුවන්ගේ මණ්ඩලය (NCE) අතර අවබෝධතා ගිවිසුමක් (MoU) හුවමාරු කරගැනීම මෙම සංචාරයේ විශේෂ සිදුවීමක් විය. මෙය දෙරට අතර තොරතුරු හුවමාරුව සහ නව ආයෝජන අවස්ථා හඳුනා ගැනීම සඳහා මහෝපකාරී වනු ඇත.
2000 වසරේදී අමෙරිකානු ඩොලර් බිලියන 0.5ක්ව පැවැති ශ්රී ලංකා – ඉන්දීය ද්විපාර්ශ්වික වෙළෙඳාම මේ වන විට වාර්ෂිකව අමෙරිකානු ඩොලර් බිලියන 7.2ක් දක්වා ඉහළ ගොස් ඇත. පසුගිය වසර පහ තුළ ඉන්දියාව වෙත ශ්රී ලංකාව සිදු කරන අපනයන 160%ක වර්ධනයක් පෙන්නුම් කරන අතර, ශ්රී ලංකාවේ සමස්ත අපනයනවලින් 60%කට වඩා වැඩි ප්රමාණයක් තීරුබදු රහිත පදනම මත ඉන්දියාවට යවනු ලබයි.
