එඩින්බරෝහිදී පැවැති ජාත්යන්තර ක්රිකට් කවුන්සිලයේ (ICC) වාර්ෂික සමුළුවේදී ජාත්යන්තර ක්රිකට් ක්රීඩාවේ අනාගතය වෙනුවෙන් වැදගත් යෝජනා කිහිපයක් සාකච්ඡාවට ලක්ව තිබේ. එහිදී ක්රිකට් තරගාවලිවල තරගකාරීත්වය සහ වාණිජමය වටිනාකම ඉහළ නැංවීම සඳහා මූලික අවධානය යොමුව ඇත.
එක්දින ලෝක කුසලානය කණ්ඩායම් 14 සිට 12 දක්වා අඩු කිරීමට යෝජනා වී ඇති අතර, 2027 වසරේ සිට “Super Seven” වටයක් හඳුන්වා දීමටද අපේක්ෂා කෙරේ. මීට අමතරව, විස්සයි20 ලෝක කුසලානයේ “Super Eight” වටය “Super 10” දක්වා පුළුල් කිරීමටද සාකච්ඡා වී තිබේ.
ලෝක ටෙස්ට් ශූරතාවලිය (WTC) වඩාත් උද්යෝගිමත් කිරීම සඳහා අවසන් මහා තරගයට පෙර අවසන් පූර්ව වටයක් හඳුන්වා දීමට බොහෝ දෙනෙකුගේ සහය හිමිව ඇත. මෙය ලකුණු සටහනේ මැද ස්ථාවරයක සිටින කණ්ඩායම්වලට අවසන් වටයට පිවිසීමට වැඩි අවස්ථාවක් ලබා දෙනු ඇත.
එක්දින තරගවල ඕවර සංඛ්යාව 40 දක්වා අඩු කිරීමට මේ වන විට සැලසුමක් නොමැති අතර, එක්දින තරග රටාවේ අදාළත්වය තවදුරටත් පවත්වා ගැනීමට පියවර ගැනේ. එසේම, 2020-2023 කාලසීමාවේ ක්රියාත්මක වූ එක්දින ලෝක කුසලාන සුපර් ලීගය නැවත හඳුන්වා නොදීමටද තීරණය කර ඇත.
ඉදිරි 2027-2031 අනාගත සංචාර වැඩසටහන (FTP) මේ වන විට අවසන් අදියරේ පවතින අතර, ද්විපාර්ශ්වික සුදු පන්දු තරග මාලා අඩු කර ඒ වෙනුවට කලාපීය වශයෙන් කණ්ඩායම් හතරක් සහභාගී වන තරගාවලි හඳුන්වා දීම සම්බන්ධයෙන්ද අවධානය යොමු වී තිබේ.
