විදේශීය වෘතාන්ත චිත්රපට, වාර්තා චිත්රපට සහ අනෙකුත් ශ්රව්ය දෘශ්ය නිෂ්පාදන සඳහා අවශ්ය අනුමැතිය කාර්යක්ෂමව සහ විනිවිදභාවයෙන් ලබාදීමේ අරමුණින් “Single Window Approval System” හඳුන්වා දීමට ජාතික චිත්රපට සංස්ථාව පියවර ගෙන තිබේ.
මෙම නව ක්රමවේදය පිළිබඳ විශේෂ සාකච්ඡාවක් ජාතික චිත්රපට සංස්ථාවේ සභාපති සුදත් මහදිවුල්වැව මහතාගේ සහ සාමාන්යාධිකාරී රුවන් ප්රේමවීර මහතාගේ ප්රධානත්වයෙන් පැවැත්විණි. ඒ සඳහා ජනාධිපති ලේකම් කාර්යාලය, ඩිජිටල් ආර්ථික අමාත්යාංශය, විදේශ කටයුතු, විදේශ රැකියා හා සංචාරක අමාත්යාංශය සහ ආරක්ෂක අමාත්යාංශය ඇතුළු ප්රධාන රාජ්ය ආයතනවල ජ්යෙෂ්ඨ නිලධාරීන් සහ නියෝජිතයින් එක්ව සිටියහ.
මෙම ව්යාපෘතියේ විශේෂාංග:
මෙම වැඩසටහන යටතේ විදේශීය නිෂ්පාදන සඳහා අවශ්ය සියලුම අනුමැතිය එක් ඩිජිටල් වේදිකාවක් ඔස්සේ ලබාගත හැකි පද්ධතියක් සංවර්ධනය කෙරේ. ඒ හරහා විවිධ ආයතන වෙත වෙන වෙනම යොමුවීමේ අවශ්යතාවය අවම වෙයි.
මෙමගින් අනුමැති ලබාදීමේ ක්රියාවලිය සරල සහ විනිවිදභාවයෙන් යුතු එකක් බවට පත්වන අතර, අනුමැති සඳහා ගතවන කාලය සැලකිය යුතු ලෙස කෙටි කරගත හැකිය.
රාජ්ය ආයතන අතර පවතින සම්බන්ධීකරණය ශක්තිමත් කිරීම මගින් ශ්රී ලංකාව තුළ ජාත්යන්තර සිනමා නිෂ්පාදන සඳහා පවතින ආකර්ෂණය තවදුරටත් වර්ධනය කිරීමට මෙමගින් අපේක්ෂා කෙරේ.
