ශ්රී ලංකා මැණික් හා ස්වර්ණාභරණ සංගමය විසින් සංවිධානය කරනු ලබන 34 වන FACETS Sri Lanka ප්රදර්ශනය 2027 ජනවාරි 4 වනදා සිට 6 වනදා දක්වා කොළඹ Cinnamon Life at City of Dreams පරිශ්රයේදී පැවැත්වීමට නියමිතය. මෙරට විශිෂ්ටතම මැණික් හා ස්වර්ණාභරණ සමාගම් නියෝජනය කරමින් නිෂ්පාදකයින් හා අලෙවිකරුවන් සියයකට අධික සංඛ්යාවක් මෙවර ප්රදර්ශනයට එක්වනු ඇත.
ඇමරිකාව, යුරෝපය, මැදපෙරදිග, ඉන්දියාව, චීනය සහ තායිලන්තය වැනි ලොව ප්රධාන වෙළඳපොළ රැසක ගැනුම්කරුවන් මෙම ප්රදර්ශනය සඳහා සහභාගී වීමට නියමිත අතර, ශ්රී ලංකාවේ සුප්රසිද්ධ නිල් මැණික් (sapphires) සහ අනර්ඝ ස්වර්ණාභරණ සඳහාම වෙන් වූ විශේෂ කුටි මෙම ප්රදර්ශනයේ අන්තර්ගත වේ.
ප්රදර්ශනයට සමගාමීව Sapphire Night, Story Corner, Power Breakfast වැනි විශේෂ වැඩසටහන් මාලාවක් මෙන්ම මැණික් පතල් සහ වරාය නගරය නැරඹීමේ සංචාර ද පැවැත්වීමට සැලසුම් කර ඇත. මෙම ප්රදර්ශනය සඳහා ශ්රී ලංකා අපනයන සංවර්ධන මණ්ඩලය (EDB) සහ ජාතික මැණික් හා ස්වර්ණාභරණ අධිකාරිය (NGJA) පූර්ණ සහයෝගය ලබා දෙයි.
මෙම මාධ්ය හමුවේදී ඉදිරි වසර තුන සඳහා ප්රදර්ශනය පැවැත්වෙන දිනයන් ද නිවේදනය කෙරිණි:
FACETS Sri Lanka 2028: ජනවාරි 5 – 7
FACETS Sri Lanka 2029: ජනවාරි 4 – 6
FACETS Sri Lanka 2030: ජනවාරි 6 – 8
