ශ්රී ලංකාවේ මහජන සෞඛ්ය සේවාවේ අභිමානවත් 100 වැනි සංවත්සරය ජනාධිපති අනුර කුමාර දිසානායක මහතාගේ ප්රධානත්වයෙන් අද (21) පෙරවරුවේ කොළඹ බණ්ඩාරනායක ජාත්යන්තර සම්මන්ත්රණ ශාලාවේදී උත්සවාකාරයෙන් පැවැත්විණි.
1926 වසරේදී දකුණු ආසියානු කලාපයේ ප්රථම ක්ෂේත්ර සෞඛ්ය ඒකකය ලෙස ‘කළුතර ජාතික සෞඛ්ය ඒකකය’ පිහිටුවීමෙන් ආරම්භ වූ මෙම සේවාව, අද වන විට සෞඛ්ය වෛද්ය නිලධාරී (MOH) කොට්ඨාස 362කට වඩා වැඩි සක්රීය ජාලයක් දක්වා ව්යාප්ත වී ඇත. ප්රජා විශේෂඥ වෛද්ය සංගමය විසින් සංවිධානය කරන ලද මෙම උත්සවයේදී, ප්රාථමික සෞඛ්ය සේවාවට විශිෂ්ට මෙහෙවරක් ඉටුකළ වෘත්තීය කණ්ඩායම් 36ක් ඇගයීමට ලක්කළ අතර, ශත සංවත්සර සමරු ග්රන්ථය සහ ශ්රී ලංකා ප්රජා සෞඛ්ය සේවාවේ අනාගත දිශාව ඇතුළත් ධවල පත්රිකාවද එළිදක්වන ලදී.
සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස, එක්සත් ජාතීන්ගේ නේවාසික සම්බන්ධීකාරක වෛද්ය Rajesh Sambhajirao Pandav සහ අමාත්යාංශ ලේකම් විශේෂඥ වෛද්ය අනිල් ජාසිංහ යන මහත්වරුන් මෙහිදී අදහස් දැක්වූ අතර, හිටපු ජනාධිපති මෛත්රීපාල සිරිසේන මහතා ඇතුළු මැති ඇමැතිවරුන්, රාජ්ය නිලධාරීන් සහ WHO, UN, UNICEF වැනි ජාත්යන්තර සංවිධානවල නියෝජිතයෝ රැසක් මේ සඳහා එක්ව සිටියහ.
