එක්සත් ජනපද වෙළෙඳ නියෝජිත කාර්යාලය (USTR) විසින් බලහත්කාර ශ්රමයෙන් නිෂ්පාදනය කරන ලද භාණ්ඩ ආනයනය තහනම් කිරීමේ නෛතික ක්රියාවලිය බලාත්මක කිරීමේ 301 වගන්තියට අදාළ විමර්ශනවල අවසන් තීරණ ප්රකාශයට පත් කරමින් රටවල් 18ක් සඳහා 10%ක තීරුබද්දක් පැනවීමට තීරණය කර ඇති අතර, ඒ යටතේ ශ්රී ලංකාව ද 10%ක තීරුබදු කාණ්ඩයට ඇතුළත් කර තිබේ.
මුලදී ශ්රී ලංකාව 12.5%ක තීරුබදු කාණ්ඩයට ඇතුළත් වනු ඇතැයි අපේක්ෂා කෙරුණු නමුත්, ශ්රී ලංකාව විසින් ඉදිරිපත් කළ කරුණු සලකා බැලීමෙන් පසු මෙම තීරණය ලබා ගැනීමට කටයුතු කිරීම පිළිබඳව **ඒකාබද්ධ ඇඟලුම් සංගම් සංසදය (JAAF)** සිය සතුට සහ ප්රණාමය පළ කර ඇත. බංග්ලාදේශය, පාකිස්තානය, ඉන්දියාව සහ කාම්බෝජය වැනි ප්රධාන තරගකාරී රටවල් සමඟ සමාන 10%ක තීරුබදු අනුපාතයක් ලබා ගැනීම මෙරට ඇඟලුම් කර්මාන්තයේ තරගකාරීත්වය සහ අපනයන ස්ථාවරත්වය ආරක්ෂා කර ගැනීම සඳහා අත්යවශ්ය සාධකයක් වන බව ඔවුන් අවධාරණය කරයි. මෙම ජයග්රහණය අත්කර ගැනීම සඳහා ජනාධිපති අනුර කුමාර දිසානායක මහතා, රජය, අමෙරිකාවේ ශ්රී ලංකා තානාපති මහින්ද සමරසිංහ මහතා සහ වාණිජ දෙපාර්තමේන්තුවේ නිලධාරීන් ඉටු කළ තීරණාත්මක කාර්යභාරය සහ දැඩි කැපවීම සංසදය විසින් විශේෂයෙන් ඇගයීමට ලක් කර ඇත.
