ශ්රී ලංකාවේ මුල් ළමාවිය සංවර්ධනය සහ රැකවරණය (ECCD) පිළිබඳ ජාතික සතිය – 2026 ප්රවර්ධනය කරමින්, ගුණාත්මක මූලික අධ්යාපනයක ඇති වැදගත්කම පිළිබඳව දැනුවත්භාවය නිර්මාණය කිරීම සඳහා Atlas Axillia පුද්ගලික සමාගමේ ක්රියාකාරකම් සහිත ඉගෙනුම් සන්නාමයක් වන Atlas PlayPalz, කාන්තා හා ළමා කටයුතු අමාත්යංශය සමඟ අත්වැල් බැඳගෙන තිබේ. ඒ අනුව මුල් ළමාවිය සංවර්ධන සතියේ දැනුවත්භාවය ඉහළ නංවමින් පවත්වන ලද වැඩසටහන් තුනක් සඳහා මෙරට පෙර පාසල් ගුරුවරුන් සහ දෙමාපියන් ඇතුළු සහභාගීවන්නන් 1,000 කට අධික සංඛ්යාවක් සක්රීයව සම්බන්ධ වී ඇත.
2026 ජූලි 14 වැනි දින ආරම්භ වූ මෙම ජාතික වැඩසටහන යටතේ, ගම්පහ ශ්රී බෝධි ක්රීඩාංගණයේ දී දරුවන් 500කට අධික පිරිසක් සහභාගී වූ වැඩසටහනක් ද, කොළඹ අරලියගහ මන්දිරයේ දී අග්රාමාත්ය ආචාර්ය හරිනි අමරසූරිය මැතිණියගේ ප්රධානත්වයෙන් පෙර පාසල් ගුරුවරුන් 500කට අධික පිරිසක් සඳහා පැවති සැසියක් ද පවත්වන ලදී. මීට අමතරව ශ්රී ලංකා පදනම් ආයතනයේ දී දෙමාපියන් 100කට අධික පිරිසකගේ සහභාගීත්වයෙන් පැවති වැඩසටහනකින් සතිය නිමා වූ අතර, එහිදී දරුවන්ගේ නිර්මාණශීලිත්වය සහ කුසලතා වර්ධනය කරන නවතම Atlas PlayPalz ක්රියාකාරකම් කට්ටල හඳුන්වා දීම ද සිදු කෙරිණි.
දරුවෙකුගේ මොළයේ වර්ධනයෙන් 90%ක් පමණ පළමු වසර කිහිපය තුළ සිදුවන බැවින්, දරුවන්ගේ අනාගත ඉගෙනුම් ක්රියාවලිය සඳහා මුල් ළමාවිය සංවර්ධනය තීරණාත්මක වන බව මෙහිදී අවධාරණය කෙරිණි. ක්රියාකාරකම් මූලික කරගත් ඉගෙනීම හරහා දරුවන්ගේ බුද්ධිමය, චිත්තවේගීය සහ නිර්මාණශීලී හැකියාවන් වර්ධනය කිරීමට දෙමාපියන් සහ ගුරුවරුන් සවිබල ගැන්වීම සඳහා Atlas PlayPalz මෙලෙස අඛණ්ඩව දායකත්වය ලබා දෙයි.
