මීගහකිවුල ප්රාදේශීය ලේකම් කොට්ඨාසයට අයත් ඉටිතැන්පල ගම්මානයට නිසි මාර්ගයක් නොමැති වීම හේතුවෙන් පවුල් පනහක් පමණ දැඩි ගැටලුවලට මුහුණ දී සිටින බව වාර්තා වේ.
මෙම සිදුවීමට අදාළ ප්රධාන කරුණු ලෙස, මීගහකිවුල පිටමාරුව මාර්ගයේ සිට කිලෝමීටර තුනක පමණ දුෂ්කර අඩි පාරක් ඔස්සේ ගමට පැමිණීමට සිදුව තිබීම, ප්රදේශවාසීන් රෝගී වූ විට කඳක බැඳ ඔස්තාගෙන යාමට සිදුවීම, කෘෂි නිෂ්පාදන නගරයට ගෙන යාමේදී තාවලම්කරුවන්ට විශාල මුදලක් ගෙවීමට සිදුවීම මෙන්ම නිසි පහසුකම් නොමැතිකම නිසා ගමේ පාසල ද වැසී ගොස් දරුවන්ට දුර බැහැර පාසල් වෙත යාමට සිදුවීම වැනි කරුණු පෙන්වා දෙන ගම්මුන්, තම ගමට අවශ්ය මාර්ග පහසුකම් වහා සකසා දෙන ලෙස බලධාරීන්ගෙන් ඉල්ලා සිටිති.
