රෝම නුවරදී පැවති හත්වන වටයේ සටන් විරාම සාකච්ඡා දින තුනකට පසු කිසිදු අත්සන් තැබීමකින් හෝ එකඟතාවකින් තොරව අවසන් වී තිබේ. ඊශ්රායලය නියමිත නියමු කලාපය භාර දීම ප්රමාද කරන බවට ලෙබනනය චෝදනා කරන අතරතුර මෙම සාකච්ඡා ආරම්භ වූ අතර, එම දිනයේදීම ඊශ්රායල සටන් විරාම උල්ලංඝනය කිරීම් 6ක් ජාතික පුවත් ඒජන්සිය (NNA) විසින් වාර්තා කර ඇත.
සාකච්ඡා පැවැත්වෙන අතරතුරදී ද ඊශ්රායලය විසින් දකුණු ලෙබනන් ප්රදේශවල ඉවත් වීමේ අනතුරු ඇඟවීම් නිකුත් කරමින් සහ බුල්ඩෝසර් යොදා ගනිමින් බිම් කැබලි පිරිසිදු කරමින් සිය පීඩනය අඛණ්ඩව පවත්වා ගෙන ගොස් තිබේ. බින්ට් ජබීල් (Bint Jbeil) සහ ඛියාම් (Khiam) යන නව කලාප ද සටන් විරාමයට ඇතුළත් කරන ලෙස ලෙබනනය බලපෑම් කළද, තවදුරටත් හමුදා පසුබැසීම පුළුල් නොකිරීමට ඊශ්රායලය තීරණය කර ඇති බව ඊශ්රායල මාධ්ය වාර්තා කරයි. හිස්බුල්ලා සංවිධානය තවදුරටත් අවි අතහැරීමට අකමැති වීම ඊශ්රායලය එලෙසම රැඳී සිටීමට හේතුවක් ලෙස පෙන්වා දී තිබේ.
තොරතුරු උපුටා ගැනීම: Mario nawfal(X) ඇසුරින්
