නියෝජ්ය පොලිස්පති සුජිත් වෙදමුල්ල මහතාගේ උපදෙස් මත සමන්තුරේ පොලිස් බල ප්රදේශය තුළ නීතිවිරෝධී මත්පැන් සහ මත්ද්රව්ය ජාවාරම් මැඩපැවැත්වීම සඳහා විශේෂ මෙහෙයුම් මාලාවක් ආරම්භ කර තිබේ.
ඒ අනුව, සමන්තුරේ මල්වත්ත කනපතිපුරම් පාසල ඉදිරිපිට සිදු කරන ලද වැටළීමකදී, නීතිවිරෝධී මත්පැන් (කසිප්පු) සෑදීමට යොදාගන්නා ගෝඩා මිලිලීටර් 100,000ක් සහ ගෝඩා පිරවූ කසිප්පු කෑන් 4ක් සමඟ සැකකරුවෙක් අත්අඩංගුවට ගෙන ඇත. කාලයක සිට ක්රියාත්මක වූ මෙම ජාවාරම හේතුවෙන් ප්රදේශයේ ඇති වූ අସහනකාරී තත්ත්වය පිළිබඳව ලැබුණු තොරතුරු මත මෙම වැටළීම සිදු කර තිබේ.
මෙම මෙහෙයුම අම්පාර දිසාව භාර වැඩබලන සහකාර පොලිස් අධිකාරී නුවන් දන්තනාරායන සහ කල්මුනේ සහකාර පොලිස් අධිකාරී ඉබුනු අෂාර් යන මහත්වරුන්ගේ අධීක්ෂණයෙන්, සමන්තුරේ පොලිස් ස්ථානාධිපති ප්රධාන පොලිස් පරීක්ෂක නිශාන්ත ප්රදීප් ඇතුළු නිලධාරීන් විසින් ක්රියාත්මක කරන ලදී.
