යුක්රේන ජනාධිපති වොලොඩිමීර් ලෙන්ස්කි සහ සර්බියානු ජනාධිපති අලෙක්සැන්ඩර් වුසික් අතර බෙල්ග්රේඩ් නුවරදී පැවති සාකච්ඡාවලින් අනතුරුව, දෙරට අතර ආර්ථික සබඳතා තවදුරටත් ශක්තිමත් කර ගැනීමට නායකයෝ එකඟ වී තිබේ.
2019 වසරේදී යුක්රේන ජනාධිපතිවරයා ලෙස පත්වීමෙන් පසු ලෙන්ස්කි මහතා සර්බියාවේ සංචාරයක නිරත වූ පළමු අවස්ථාව මෙය වන අතර, දෙරට අතර නිදහස් වෙළඳ ගිවිසුමක් මෙම වසර අවසන් වීමට පෙර නිම කිරීමට දෙපාර්ශ්වය අපේක්ෂා කරයි.
මෙහිදී අදහස් දක්වමින් සර්බියානු ජනාධිපතිවරයා ප්රකාශ කළේ, 2014 සිට රුසියාව විසින් අත්පත් කරගත් ප්රදේශ ඇතුළුව යුක්රේනයේ භෞමික අතාවට සහ ස්වෛරීභාවයට සර්බියාව සහයෝගය දක්වන බවයි. කෙසේ වෙතත්, සර්බියාවේ දිගුකාලීන මිත්ර රටක් වන රුසියාවට එරෙහිව ආර්ථික සම්බාධක පැනවීමක් සිදු කිරීමට ඔහු එකඟ වූයේ නැත. යුක්රේන ජනාධිපතිවරයාගේ මෙම දෙදින නිල සංචාරය අතරතුර යටිතල පහසුකම්, බලශක්තිය සහ ආහාර සුරක්ෂිතතාව සම්බන්ධයෙන්ද පුළුල් ලෙස සාකච්ඡා කර ඇත.
