දිවයිනේ ප්රදේශ කිහිපයක් සඳහා කාලගුණවිද්යා දෙපාර්තමේන්තුව විසින් උණුසුම් කාලගුණය සම්බන්ධයෙන් අවවාදාත්මක නිවේදනයක් නිකුත් කර තිබේ.
ඒ අනුව වව්නියාව, මුලතිව්, ත්රිකුණාමලය, පොළොන්නරුව, මඩකලපුව, අම්පාර සහ මොනරාගල යන දිස්ත්රික්ක සඳහා මෙම නිවේදනය බලපැවැත්වේ. මෙම දිස්ත්රික්කවල ඇතැම් ප්රදේශවල දිවා කාලයේදී උණුසුම් දර්ශකය, එනම් මිනිස් සිරුරට දැනෙන උණුසුම අවධානය යොමු කළ යුතු මට්ටමක පැවතිය හැකි බව කාලගුණවිද්යා දෙපාර්තමේන්තුව පෙන්වා දෙයි.
