අමෙරිකාවේ වොෂින්ටන්හි පිහිටි ජෝන් එෆ්. කෙනඩි ප්රසංග කලා මධ්යස්ථානයේ නමට ජනාධිපති ඩොනල්ඩ් ට්රම්ප්ගේ නම එක් කිරීමට එහි අධ්යක්ෂ මණ්ඩලය තීරණය කර තිබේ. අධ්යක්ෂ මණ්ඩලය පැවැත්වූ රැස්වීමකදී, ගොඩනැගිල්ලේ ඉදිරිපස නාම පුවරුවට “President Donald J. Trump” යන නම ඇතුළත් කිරීමට සහ භෞතික පරිශ්රය “President Donald J. Trump Plaza” ලෙස නම් කිරීමට ඡන්දය ප්රකාශ කර ඇත.
කෙසේ වෙතත්, මෙම නාම වෙනස් කිරීම නීතිමය අර්බුදයකට මුහුණ දී ඇති අතර, මීට පෙර ෆෙඩරල් විනිසුරු ක්රිස්ටෝෆර් කූපර් නියෝග කර තිබුණේ කොංග්රසයේ නීතිමය ක්රියාමාර්ගයකින් තොරව කෙනඩි මධ්යස්ථානයේ නම වෙනස් කළ නොහැකි බවයි. මධ්යස්ථානය ජනාධිපති ජෝන් එෆ්. කෙනඩිගේ නමින් නම් කර ඇති බව නීතියෙන් පැහැදිලි වන බැවින්, අධ්යක්ෂ මණ්ඩලයට තනි තීරණයකින් එහි නිල නාමය වෙනස් කළ නොහැකි බව විනිසුරුවරයා පෙන්වා දී තිබිණි. මෙම නව තීරණයත් සමඟ කෙනඩි මධ්යස්ථානයේ නම සම්බන්ධයෙන් අධ්යක්ෂ මණ්ඩලය සහ අධිකරණය අතර නව නීතිමය ගැටුමක් ඇතිවීමේ අවදානමක් මතුව තිබේ.
