සෞඛ්ය ක්ෂේත්රයේ පවතින මානව සම්පත් හිඟයට පිළියම් යෙදීමේ අරමුණින් වාග් චිකිත්සක උපාධිධාරීන් 52 දෙනෙකු සහ විකිරණ ශිල්පී අනුස්ථාපන සමායෝජන පුහුණුව සඳහා උපාධිධාරීන් 64 දෙනෙකු නිදහස් සෞඛ්ය සේවයට බඳවා ගැනීමට පියවර ගෙන තිබේ. සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් අදාළ පත්වීම් සහ බඳවා ගැනීමේ ලිපි ප්රදානය කිරීම සිදු වූ අතර, මෙමඟින් ජනතාවට වඩාත් කාර්යක්ෂම හා ගුණාත්මක සෞඛ්ය සේවාවක් අඛණ්ඩව ලබා දීමට අපේක්ෂිතය.
රටේ ආර්ථික තත්ත්වයට ගැළපෙන අයුරින් රාජ්ය සේවකයන්ගේ වැටුප් සහ දීමනා ඉහළ නැංවීමට වත්මන් රජය කටයුතු කරමින් සිටින බව පෙන්වා දුන් අමාත්යවරයා, සෞඛ්ය සේවය වෙනුවෙන් වෙන් කෙරෙන ප්රතිපාදන කිසිදු අයුරකින් කප්පාදු නොකරන බවද අවධාරණය කළේය. නවීන තාක්ෂණික උපකරණ මෙන්ම ජාතික හෘද රෝහල ඇතුළු යටිතල පහසුකම් සංවර්ධනයට රජය පුළුල් ලෙස ආයෝජනය කරන මුත්, එම උපකරණවලින් උපරිම ඵල නෙළා ගැනීමට අවශ්ය මානව සම්පත් හිඟය පියවීම සඳහා මෙම කඩිනම් බඳවා ගැනීම් අත්යවශ්ය සාධකයක් වී තිබේ.
රෝගීන්ගේ ප්රතිකාර සහ පුනරුත්ථාපන ක්රියාවලිය තුළ වාග් චිකිත්සක සේවාව මෙන්ම තාක්ෂණික පුහුණුව ලත් විකිරණ ශිල්පීන්ගේ දායකත්වය සුවිශේෂී වන අතර, මෙම නව බඳවා ගැනීම් හරහා සෞඛ්ය පද්ධතියේ ව්යුහාත්මක දුර්වලතා ක්රමානුකූලව මඟහරවා ගැනීමට හැකි වනු ඇත. අනාගතයේදීත් ජනතාවගේ සෞඛ්ය අවශ්යතා වෙනස් වන ආකාරයට ගැළපෙන පරිදි මානව සම්පත් සංවර්ධන වැඩපිළිවෙළ අඛණ්ඩව පුළුල් කිරීමට සෞඛ්ය හා ජනමාධ්ය අමාත්යාංශය අපේක්ෂා කරයි.
